DILI, STLTIMORLESTE.com – Institutu Of Bisnis (IOB) halo kolaborasaun TSM School of Management ou Sekolah Tinggi Ilmu Enonomi Trisakti oinsa bele kapasita dosente IOB.
Ohin Prezidente Sekolah Tinggi Ilmu Enonomi Trisakti, Aulia Danibrata ho ekipa nomos dosente husi IOB hasoru malu ho Prezidente Republika, Jose Ramos Horta, hodi koalia kona-ba kooperasaun neebe Institutu rua nee sei kolabora hamutuk iha futuru, iha biban nee Prezidente Republika apresia.
Iha biban nee Prezidente TSM School of Management ou Sekolah Tinggi Ilmu Enonomi Trisakti, Aulia Danibrata ba jornalista sira iha Palasiu Prezidensial Nicolau Lobato, Bairo Pite, Kuarta lokraik (10/12/2025) hatete, sente haksolok hasoru malu ho Prezidente Republika Jose Ramos Horta no iha hasoru malu nee ho amizade neebe diak tebes.
Prezidente TSM hatete, enkontru ohin ho Prezidente nee kordial no amigavel tebes. Prezidente ho entusiazmu fahe no inspira sira kona-ba saida mak nia halo hodi avansa Timor Leste. Sira apresia ida nee, hanesan iha Indonezia rona no aprende ona kona-ba Prezidente Ramos Horta, maske ida nee primeira vez mai Timor Leste.
“No klaru, ami agradese tebes ba sira hotu neebe mak ajuda ona ami husi Jakarta. Ami, TSM Trisakti Jakarta, Indonezia, ajuda ami hasoru malu ho Prezidente, kona-ba ami nia hakarak atu hetan vizaun ida neebe luan liu ba edukasaun iha Timor Leste, neebe notavelmente avansadu. Prezidente mos fo ona input antes nee. Ita mos presiza hatene buat hotu. Iha TSM estudante nain hitu husi Timor Leste hetan ona bolsu estudu husi ami hodi tuir eskola no gradua. Ita hein katak ita nia kolaborasaun ho Timor Leste, no klaru ho Observatoriu Internasional ba Observasaun IOB sei kontinua buras no hametin iha futuru, hodi permite ita atu kontribui liu tan ba IOB no Timor Leste enjeral,” katak nia.
Nia hatete, horiseik no ohin, sira iha TSM halao konvidadu iha eskola IT sira, relasiona ho nia servisu komunitariu no servisu komunitariu internasional iha rain.
“Ohin dader, ami nia dosente nain rua, Sra. Erika no Sra. Deborah fo palestra konvidadu iha IOB kona-ba kontabilidade no jestaun finanseira. TSM aspira ba kolaborasaun internasional neebe luan liu iha futuru, laos deit ho IOB neebe maka exelente, maibe ami konserteza hakarak kolaborasaun barak liu tan iha futuru no ho kualidade aas liu, no ami iha ona kolaborasaun sira ho kualidade aas tebes ba edukasaun iha futuru,” katak nia.
Nunee mos Visi Reitor I Assuntu Akademiku IOB, Vaze Sarmento Soares hatete, husi IOB halo kolaborasaun ho Universidade Sekolah Tinggi Ilmu Enonomi Trisakti, hahu iha tinan 2 liu ba depois asina MOU iha nivel instituisaun hahu kedas ho atividade formasaun treinador husi Trisakti mai halo formasaun iha IOB ba dosente sira.
“Depois asina MOU nivel instituisaun ami hahu kedas ho atividade formasaun neebe treinador husi Trisakti mai halo formasaun iha IOB ba ami nia dosente, husi IOB inisiu de ano IOB manda nia dosente senior nain rua ba halo palestra iha Trisakti ikus iha fulan rua liu ba Universidade Sekolah Tinggi Ilmu Enonomi Trisakti manda peritus nain rua hodi fo treinamentu ba dosente husi fakuldade ekonomia negosiu nain 10 iha kupang,” dehan Dosente IOB.
Nia hatete, servisu neebe mak ohin sira diskute hamutuk iha nivel reitoradu mak deside iha tempu besik, parese tinan oin sei iha programa estudu vizita nee involve estudante, tanba durante nee programa barak mak fasilita dosente maibe tinan oin iha ona hanoin halo estudu vizita neebe fo espasu ba estudante sira hodi bele halo vizita ba kampus Trisakti neebe aumenta sira nia hanoin prespektiva kona-ba edukasaun iha rai liur.
Enkontru ho Prezidente Republika apresia tebes ba kolaborasaun liu-liu universidade sira neebe mak komesa hakbesik ba universidade husi parseiru hanesan indonezia hodi bele fo kapasitasaun ba dosente hodi fo kapasitasaun ba estudante sira neebe daudaun nee halao estudu iha universidade sira.
Jornalista: Emerenciana Pinto
Editor: Xisto Mendonça
