DILI, STLTIMORLESTE.com – Instituto Superior Cristal (ISC) seidauk haruka lista finalista neebe atu halo graduasaun ba Ministeriu Ensinu Superior Siensia no Kultura (MESSK), tanba estudantes finalista balun sei halao ezame.
“Kona-ba graduasaun ami nian ba tinan ida nee data seidauk fiksu, tanba agora daudaun ami nian finalista balun sei halao ezame, ami nia finalista mil duzentus mak sei halao graduasaun ba tinan nee, husi numeru nee kompostu husi fakuldade edukasaun no saude, ho nia departamentu sanulu resin tolu (13), maibe ami nian data atu halao graduasaun nee seidauk fiksu, tanba agora sei iha prosesu ezame hela nee,” afirma Reitor Institute Superior Cristal (ISC), Sebastiao Perreira ba STL iha nia knaar fatin Balide, Sesta nee (25/10/2024).
Nia dehan, data ba graduasaun finalista tinan nee seidauk fiksu, bainhira ezame hotu mak sei lori lista nee ba MESSK, hodi hein fali despaisu tun husi MESSK hafoin bele iha data ba graduasaun, tanba lista finalista seidauk haruka ba MESSK.
(jac)
