DILI, STLTIMORLESTE.com – Refleksaun ba loron Sesta feira ohin koalia kona-ba jejun, no jejun lo-loos refleta hahalok diak sira ho domin no hadomi ema seluk.
Padre Richardo Pasang SVD ba STL liu husi nia refleksaun Sesta (20/02/2026) hatete, refleksaun ba loron ohin koalia konaba jejun no domin ba ema seluk.
“Ohin, 20 Fevereiru 2026, ita tama ba Sesta feira hafoin Kuarta feira Cinzas. Leitura sira husi Livru Isaías (58:1-9a) no Evanjellu Mateus nian (9:14-15) konvida ita atu reflete kona-ba sentidu lolos jejun nian,” dehan Padre.
Padre dehan, signifikadu los husi jejun, jejun laos deit kona-ba hadook aan husi hahan, maibe liu-liu kona-ba kontrola aan no domin ba ema seluk.
“Maromak hakarak ita atu liberta ema sira neebe hetan operesaun, fahe paun ho ema sira neebe hamlaha, no hasai lasu atan nian,” dehan Padre.
Tanba nee ema presiza halo aplikasaun iha Moris ho Domin ba malu, jejun lo-loos reflete iha hahalok domin no kuidadu ba ema seluk, tenke Manan Egoízmu Kuarezma nuudar tempu atu luta hasoru kultura egoízmu no interese rasik, solidariedade hetan konvite atu tau iha sorin buat balun neebe iha ba sira neebe presiza.
Iha biban nee Bibi Atan kreda Katolika nee harohan ba Jesus atu nafatin akompanha sarani ida idak iha tempu Kuaresma nee nunee bele halo jejun ho loolos iha vida moris loron ba loron nia.
“Orasaun, oh Maromak, orienta ami atu halao jejun loloos, laos deit ritual ida, maibe nuudar espresaun domin no arrependimentu nian. Amen,” dehan Padre liu husi orasaun.
objetivu prinsipal husi jejun, liu-liu iha tempu Kuarezma, mak atu sarani sira prepara-an espiritualmente hodi selebra festa Paskua, hametin relasaun ho Maromak, halo konversaun ba fuan, no haburas hahalok domin liu husi orasaun no ezmola.
Objetivu espesífiku sira seluk inklui Sakrifísiu no Konversaun fo kastigu ba isin no hasaae an atu fila fali ba Maromak. Hadook aan husi sala, Hanoin hetan no hasees aan husi hahalok sala nian.
Haburas Domin fo fatin ba orasaun no kbiit atu perdua ema seluk. Preparasaun Tempu loron 40 nian atu prepara fuan no klamar.
Iha tempu Kuaresma nuudar sarani ema idak idak presiza tau konsiensia ba aan rasik hadook aan husi hahalok aat, arogansia, loko aan sira, no prepara aan ho fuan hodi halo orasaun ba Jesus, no halo karidade liu husi tulun ema seluk neebe presiza tebes tulun, halo relasaun diak ho Maromak, no hadomi ema seluk.
(eme)
