BAUKAU, STLTIMORLESTE.com – Jeneral Steven S. Nordhaus husi Estadu m Unidus Amerika (EUA) hamutuk ho Visi Xefe Estadu Major Jeneral Calisto dos Santos “Coliati” ho aviaun Komponente Aero Militar EUA too ona iha Aeroportu Baukau.
Tuir observasaun STL nian iha terenu nota katak, loron 04 Abril nee, Jeneral Steven S. Nordhaus hamutuk ho Visi Xefe Estadu Major Jeneral Calisto dos Santos “Coliati” no komitiva sira ho aviaun Komponente Aero Militar EUA marka 13097 husi Aeroportu Internasional Nicolao Lobato too Aeroportu Baukau, iha tuku 09:16 OTL.
Hafoin Jeneral Steven S. Nordhaus no Xefe Estadu Major Jeneral Calisto dos Santos “Coliati” hamutuk ho komitiva tun husi aviaun simu husi Forsa EUA no FALINTIL – Forsa Defeza Timor Leste (F-FDTL). Iha neebe forsa F-FDTL simu ho parada no kontinua simu ho tara tais hafoin tama ba edifisiu administrasaun neebe konstrui husi Forsa EUA iha Aeroportu Baukau.
Tuir informasaun neebe iha, prezensa Jeneral Steven S. Nordhaus nee iha Aero Baukau atu entrega Hangar no Armajen inklui aredasaun material asistensia dezastre naturais nian ba F-FDTL.
(tom)
