DILI, STLTIMORLESTE.com – Knaar no kompetensia Diretor Edukasaun Munisipal atu ajuda Governu, liu-liu Ministeriu, oinsa atu jere Edukasaun iha nivel munisipal.
Asuntu nee hatoo husi Diretor Edukasaun Munisipiu Manatuto, Patricio da Cruz Quintao ba STL liu husi telefone, Kinta nee (26/12/2024).
“Knaar no kompetensia hanesan Diretor Edukasaun Munisipal nee mak atu ajuda Governu, liu-liu Ministeriu, oinsa atu jere edukasaun iha nivel munisipal nee, atu buat hotu lao ho diak hodi atinji mehi, oinsa mak edukasaun nee sai kualidade ba estudantes sira. Linha koordenasaun ho funsionariu nee diak, tanba funsionariu nee mak halo sira nian servisu, tanba nee mak sempre iha kontaktu ho sira,” katak nia.
Tuir Patricio katak, hanesan fo hatene informasaun ou dezafiu ruma buka kontaktu ho sira para oinsa rezolve roblema sira nee, nee duni linha koordenasaun diak, bainhira iha informasaun husi Ministeriu koko atu hatun orientasaun nee ba sira para bele lao tuir, tanba iha linha koordenasaun nee ida deit.
“Nee duni ita atu halo servisu neebe atu diak liu iha futuru mak ita labele halo servisu mesak, maibe tenke iha linha koordenasaun ho maluk sira seluk nee importante tebes-tebes, nee duni hau nian koordenasaun ho sira nee diak,” nia afirma.
Nunee mos Diretor Edukasaun Munisipiu Ainaro, Patricio da Costa Magno hatete, nuudar Diretor Edukasaun Munisipiu atu halao servisu Edukasaun Munisipal ninia, nee duni tenke halo linha koordenasaun ho parte hotu-hotu.
(jac)
