DILI, STLTIMORLESTE.com – Arsebispu Metropolitana Dili, Dom Virgilio Kardeal do Carmo da Silva, SDB liu husi nia omilia hatete, iha situasaun saida deit Jesus hanorin atu hatene hakmatek, harohan no haraik aan.
“Iha situasaun saida deit Jesus hanorin ita atu hatene hakmatek, harohan no haraik aan, iha situasaun saida mak ita hasoru, wainhira ita la hakmatek hasoru malu ho kedas hakilar no trata malu, ita laiha fatin atu harohan, wainhira ita harohan Nai bele tulun ita atu bele iha hakmatek. Hamutuk ho Jesus tama ba Jerusalem, hanesan Judeu sira, ita mos ohin tama hodi hananu lori ramos haksolok, hadau tuir tama uma kreda laran ita rona, Jesus ninia humiliasaun, hahu hodi hananu haksolok, ksolok festa nee nian, hafoin ita rona oinsa ema hakilar ho hirus, hafoin hasoru Jesus, ida nee mak ita bele dehan katak, ministeriu duplu, akompanha tinan-tinan bainhira ita tama ba iha semana santa, momentu rua neebe karakteriza selebrasaun ida nee, primeiru mak kaer ramos iha liman, segundu ita rona Jesus nia terus no ninia mate, husi nee Jesus hakarak hatudu ba ita oinsa Nia hasoru situasaun difisil, oinsa atu hasoru tentasaun neebe forte, maibe buat ida neebe ita haree katak, Jesus buka atu kuida ninia fuan, atu nia fuan hakmatek nafatin, atu iha Nia fuan iha pas no buka iha situasaun ida nee hotu, nia buka atu la hadook aan husi Maromak,” dehan Dom Virgilio bainhira prezide misa Domingu Ramos iha Katedral, Dili, Domingu nee (13/04/2025).
Dom Virgilio dehan, la desliga aan husi Maromak, maibe iha situasaun difisil ida nee, Nia buka oinsa tau ninia aan iha konfiansa no tau ninia esperansa tomak.iha Maromak Aman ninia liman, buka tuir deit Maromak ninia vontade no buka nia salvasaun, Maromak nian vontade laos mate, maibe moris, Maromak nian virtade mak Mizerikordia, laran luak, tau iha Jesus ninia misaun Nia halo saida.
“Ohin ita rona beibeik, nia buka deit buat ida, atu halo obra Maromak nian, atu halo servisu Maromak ninian, tau ninia vontade mak nia hili, laos Hau nian, Maromak Nia vontade mak saida no halo oinsa, hodi hatene obedese, ovidensia, loron haat nolu iha rai fuik maran, kada minutu, kada oras, kada loron nia buka atu manan saida, tentasaun la husik Nia, maibe Nia buka atu manan, entaun konfiansa tomak atu obdese ba Maromak,” katak Dom Virgilio.
(jac)
