DILI, STLTIMORLESTE.com – Treinador Timor Leste (TL), Efren Zeronimo dehan, jogu Comunidade dos Países de Língua Portuguesa (CPLP) nee laos koalia kona-ba atu manan ka lakon, maibe hakarak troka esperiensia hodi halo amizade entre nasaun sira iha CPLP.
Liafuan nee hatoo husi treinador Timor Leste (TL), Efren Zeronimo liu husi konferensia imprensa iha CCD, Sesta kalan (25/05/20255).
Nia dehan, kona-ba preparasaun nee hanesan baibain ekipa hotu-hotu esforsu hakarak atu manan iha jogu, durante nee jogador sira esforsu mak too iha nee.
“Hau hanoin primeiru ita hotu-hotu hatudu ba adeptus katak hakarak manan, jogador sira durante nee esforsu aan maibe kualidade ita la hanesan, ita nia level la hanesan ho sira, maibe jogador koko tenta nafatin ho sira nia esforsu hakarak manan,” dehan treinador Efren Zeronimo.
Nia fundamenta, falhansu neebe iha mak jogador hotu-hotu prepara fulan 3 iha minimu esperiensia maibe sira esforsu ho diak.
“Iha falhansu mak esperiensia neebe mak menus, ita labele kompara ho sira neebe mak fulan tolu ho sira neebe mak iha akademia,” katak nian.
Nia mos espresa sentimentu kontente, maske lakon mos adeptus sira nafatin apoiu no husu ba sira nafatin apoiu tanba ita iha faze neebe mak foin prepara, hatene futebol nee ba oin nee hanusa.
“Hau kontente, tanba durante jogu nee ita nia publiku sira hotu akonpanha, maibe sofre ba publiku sira hotu sei hein nafatin asisti no apoiu nafatin durante jogu nee lao,” katak nian.
Nia dehan, ekipa nee laos kiik, bele hatete katak ita nonton ekipa futebol iha Asia deit mos ita sei susar ou ita hasoru fali Asia mos susar ho kontinente neebe mak iha Europa.
“Hau hanoin estratejia sei la muda, ami nafatin ho ami nia estratejia neebe mak iha, tanba ita joga dader nee fo oportunidade mai ita, tanba joga iha tuku 8 loron manas, uza oportunidade ida nee para bele hatudu jogu neebe mak diak liu tan.
(EST 1)
