DILI, STLTIMORLESTE.com – Sekretariu Estadu Arte no Kultura (SEAK) liu husi komisaun organizadora, Jorge Soares Critovão hatete, durante iha jogu Comunidade dos Países de Língua Portuguesa (CPLP) ba dala XII, ekipa husi Portugal foti ona medalha osan mean 15, prata 7 no bronze 1.
Liafuan nee hatoo husi SEAK, Jorge Soares Cristovão ba jornalista sira liu husi konferesia imprensa iha Salaun Media Center CCD, (25/07/2025).
“Agora daudaun ita haree nia kuadru medalha jeral ba jogu ida nee ita haree katak Portugal mak agora sei iha leten hela, tanba Portugal foti ona medalha osan mean 15, prata 7 no bronze 1,” dehan Jorge.
Nia dehan, tuir mai Cabo Verde foti Euro 2, Angola 2, são Tome Principe 2 no Timor Leste TL mos konsege foti 2 iha tan prata no bronze ba sira seluk neebe mak tuir klasifikasaun mak Portugal mak joga sei iha leten, domina ba foti medalha neebe mak iha ida nee mak ita hatene akonpanha durante atividade lao.
Nia dehan, iha modalidade hirak neebe hotu ona mak hanesan voli praia ohin remata simu medalha ona, tenis kalan nee foin mak remata, xadres mos ohin remata ona, taekwondo mos remata ohin.
“Aban akonpanha karate mak sei kontinua no futebol mak ita hotu akonpanha agora daudaun nee sei jogu neebe mak agora ita akonpanha la hatene se mak atu manan ba buka finais, ba primeiru lugar agra daudaun sei iha jogu nee nia laran,” katak nia.
Nia dehan, antes iha ida nee mos iha federasaun idak-idak nia fatin treinu, sira halo treinu ba rezultadu ida nee mais ita fiar katak ida nee loke ona dalan ba ita para atu haree kondisoes didiak ba futuru ba atleta sira presiza hadia.
Aleinde jogu, atividade desportivus iha mos konferensia Ministru neebe mak ohin loron Ministeriu Juventude Desportu Arte no Kultura (MJDAC) too ona Timor Leste, Ministeriu Desportu Angola, Cabo Verde sira too ona iha nee Moçambique Ministru la mai maibe reprezentante Embaixador Moçambique ba Indonézia no aban Ministru ida husi São Tome Principe sei too iha nee.
“Atividade desportu neebe mak ohin ita lao dezde loron hira ohin mos iha ona reuniaun juventude, aban sei iha reuniaun ba teknika nian neebe mak sei hetan partisipasaun husi Diretor Jeral sira ba area desportu nian, aban sira hahu diskute ona, teknikamente ba konferensia ho MJDAK neebe mak tuir ajenda ita realiza iha 27 Julhu.
Nia mos hatoo agradese ba media nasional no media internasional sira nia servisu neebe durante halo kobertura ha jogu CPLP hodi hatoo informasaun ba sosiedade sira hotu.
“Ita hatene katak media internasional lubuk ida mos iha nee, sira sempre akonpanha jogu CPLP nee, aban sei iha jantar amizade ida ho delegadaun atletizmu sira hotu inklui mos delegasaun Ministru sira husi nasaun seluk neebe mak balun tama ona, aban sei tama hamutuk ho nia delegasaun sira jantar ida neebe komisaun organizadora governu oferese hamutuk atu hametin liu tan ita nia amizade fraternidade ba area desportu no kultura,” katak nia.
(EST 1)
