DILI, STLTIMORLESTE.com – Jogu Desportivu Comunidade dos Países de Língua Portuguesa (CPLP) neebe realiza iha kampu Lesidere, ho modalidade ekipa Feto Voli Praia Timor Leste (TL) konsege halakon Ekipa Feto Moçambique ho skor 2 : 1.
Jogu modalidade ekipa feto praia Timor Leste (TL) hasoru ekipa Moçambique hahu husi tuku 09:00 dader iha inisiu jogu ekipa modalidade feto praia TL Miguela Belo ho numeru kamizola (1) no Agusta Belo ho numeru kamizola (2) hatudu sira nia forsa durante iha jogu nee.
Ho nunee husi ekipa feto Moçambique Auria ho numeru kamizola 1 no Alaima Mahumane ho numeru kamizola 2 hatudu nia forsa hodi hasoru ekipa TL, nunee iha set dahuluk ekipa TL manan ho Moçambique 21 : 19, tuir mai iha set daruak Moçambique 21, Timor Leste 12.
Durante iha joga nee ekipa TL no ekipa Moçambique la fo fatin ba malu, tanba hakarak manan hotu iha jogu nee, nunee Moçambique iha ona pontu 14, TL foin iha 3, maibe ekipa TL nafatin esforsu hodi duni tuir, maibe iha ikus ekipa TL konsege halakon duni Moçambique.
Jogador modalidade voli praia Miguela Belo hatoo agradese ba parte hotu neebe mak suporta nia, no esforsu makaas ikus mai konsege manan duni iha jogu refere, no esperansa ba oin sei manan iha jogu tuir mai.
“Hau kontente tebes tanba konsege manan duni iha jogu ida nee, hau sente aan katak ami lakon ona wainhira hasoru Moçambique, maibe hau esforsu nafatin too ikus manan duni,” nia dehan.
Mario Bento Soares hanesan teinador Voli Praia TL rekonhese katak horiseik ekipa TL lakon duni tanba haree postu ema nian la hanesan ho Timor Leste.
“Hanesan treinador nafatin buka hanorin jogador sira oinsa iha goju oin mai bele manan nafatin no hatudu katak Timor Leste feto ho mane konsege manan hotu,” nia hakotu.
(EST 1)
