DILI, STLTIMORLESTE.com – Ezistensia Jornal Suara Timor Lorosae (STL) neebe sei halao aniversariu ba dala 33, jornal refere nafatin liman ain povu nian, hodi bele fo sai notisia ba leitores sira.
Haktuir Diretor Eskola Sekundariu Jeral nu. 4 Setembru Balide Dili, Sergio A. da Cruz ba jornalista STL, Kuarta nee (21/01/2026).
“Primeiru hau hatoo parabéns, hau nian sujestaun mak prezisa nafatin sai liman ain ba povu iha TL, tanba ho profisional no nafatin iha vontade hodi hatutan informasaun ba iha ema hotu. Kritika labele inventa liafuan balu neebe karik ema la koalia no labele koalia fuan husi ema neebe ita intervista ba, fo notisia neebe los ba ita nian sosiedade,” dehan nia.
Sergio dehan, parabens ba jornalista sira hotu, dala ida tan parabens STL, tanba la kleur tan selebra ona aniversariu jornal STL nian ba dala 33, ba oin fo sai notisia neebe los no klaru liu tan ba públiku, tanba públiku sempre asesu informasaun liu husi jornal refere.
“Husu fo sai notisia labele inventa liafuan neebe mak fontes la koalia, maibe tenke fo sai liafuan neebe los husi fontes sira nian koalia, ida nee importante tebes, espera ho aniversariu STL ba dala 33, ba oin jornal STL sei fo sai notisia neebe los ba leitor sira hotu,” nia esplika.
(jac)
