DILI, STLTIMORLESTE.com – Manajer Empreza Santos iha Timor Leste(TL), Jose Lobato Gonçalves ho Prezidente Republika (PR), Jose Ramos Horta halo enkontru hodi diskute kona-ba produsaun Bayu Undang no investimentu iha TL.
Bainhira remata hasoru malu, Manajer Empreza SANTOS Iha TL, Jose Lobato Goncalves ba jornalista sira, iha zpalasiu Prezidensial, Nicolau Lobato, Bairru Pite, Dili, Kuarta (22/10/2025) hatete, enkontru nee hanesan enkontru kontinuasaun antes hodi koalia kona/ba produsaun Bayu Undang.
“Hau mai hasoru malu Prezidente Republika nee kontinuasaun husi enkontru antes ho Prezidente Republika, neebe koalia konaba produsaun Bayu Undang nian nomos planu husi Santos atu investe nafatin iha Timor Leste, momentu neeba Prezidente Republika propoin atu kontinua diskusaun ho parte governu, ida nee mak hau atu fo hatene ba Prezidente Republika progresu balun neebe akontese tiha ona desde premeiru enkontru too agora,” dehan Manajer Empreza, Santos.
Maibe nia dehan, husi parte Governu no SANTOS en-prinsipiu intersadu, atu harii no investe Carbon Capsul nee hanesan hatama fali Gas CO2 ba iha rezerva bayu undang nia.
“Agora husi Governu parese intresadu atu premeiru kontinua produsaun Bayu Undang nian, segundu uza fasilidade bayu undang prosesa gas neebe mai husi kampu seluk,” hatete Jose Lobato.
Nunee mos ida kona-ba kontinua produsaun Bayu Undang Nia parte husi SANTOS no kompanhia joint haree katak ida nee la ekonomikamente sei lakon osan, entau husi parte SANTOS nomos jointvenjer la intersadu atu investe kontinuasaun produsaun.
Segundu se halo sesias nomos produs bayu undang mesmj tempu ida nee susar teknikamente entau parte SANTOS la intresadu atu investe. Atu uza Poataforma fasilidade Bayu Undang atu simu gas mai husi kampu seluk atu prosesa ida nee santos la intersadu atu investe, maibe disponivel atu fasilita, Governu hakarak uza plataforma Bayu Undang nian ba prosesu gas husi kampu seluk.
“Sertamente husi kustu neebe sei mosu entau kustu nee husi parte Governu ho kompanhia sira, atu investe mak tenke tama konta kusta ida nee,” dehan nia.
Nia hatete, rezerva Bayu Undang zero, se rezerva bainhira produs no ekonomikamente fiziku se dehan gas sei iha, gas iha nee no iha neeba oituan sei iha, maibe atu produs buka tan mina matan ida nee hasai osan tan osan neebe boot liu duke osan neebe tama.
Jornalista: Emerenciana Pinto
Editora:Carme Ximenes
