DILI, STLTIMORLESTE.com – Pezidente Institutu Nasionál Kombate HIV-SIDA (INCSIDA), Daniel Marçal hatete, joven mak futuru ba nasaun ida nee, tanba nee tenke halo prevene virus HIV, tanba dadus hatudu katak joven barak terus ba moras HIV.
Nia dehan, INCSIDA hamutuk ho ministeriu hamutuk hodi kapasita ba estudante Universidade da Paz (UNPAZ) hodi fahe informasaun kona-ba Virus HIV nian, atu nunee sira bele asegura sira nia luta sira hodi alkansa sira nia futuru.
“Ita nia joven sira nee futuru ba nasaun, jerasaun kontinuador, joven sira nia hanoin sei fresku hela, maibe tanba sira nia pensamentu bele destroi sira nia futuru, ho sira nia hahalok rasik, tanba ita tenke fo hanoin ba sira atu halo prevene ba virus HIV,” hatete Daniel Marçal ba jornalista sira iha nia knaar fatin Pantai Kelapa, Dili, Sesta (21/03/2025).
Nia esplika, kontribuisaun husi eskola, inan-aman, governu, tanba nee tenke tau prioridade futuru no kuidadu saude idak-idak nian, nunee aban bainrua servi nasaun nee iha futuru oin mai.
“Ita haree joven barak sai terus ba kona HIV, kaben sedu, isin rua lalais, oho aan, nee sira nia kontribui rasik, mais sira nia futuru ema barak nia kontribui,” nia deklara.
Iha fatin hanesan, Xefe Departamentu Pidemolojia, Mariana Freitas esplika, sensibilizasaun husi INCSIDA nian ba iha UNPAZ, atividade ida nee laos ohin, maibé atividade nee halo beibeik no sempre iha kooperasaun neebe diak husi INCSIDA entre UNPAZ liu ba sensibilizasaun informasaun kona-ba Virus HIV, moras hadaet inklui mos troka nian.
(jen)
