DILI, STLTIMORLESTE.com – Tribunal Judisial Primeira Instansia Dili halao julgamentu ba arguidu nain tolu (3) ho inisial MMO, ET no AM, tanba komete krimi Furtu Agravadu.
Prosesu nee iha arguidu nain haat (4), maibe Tribunal julga uluk arguidu nain tolu (3).
Tuir akuzasaun neebe Juiz Prosesu Zulmira Auxiliadora lee sai iha loron Kinta nee katak, iha loron 25 fulan Marsu tinan 2024, haleu oras tuku Hh00 kalan, arguidu ET (kondy) kontaktu via telefone ho arguidu sira MMO no AM, tuir mai tula sira nain rua ho kareta ho marka MAZDA CX7 matrikula A.12-470 TL hodi lao pasiar iha area Dili laran.
Iha tuku 02h50 arguidu sira diriji ba Loja Wang Jhong sita iha kanpung Baru Komoro, Dili, para tiha kareta iha loja hodi mos save roda ida no safenda ida, tuir mai arguidu SK selok odamatan loja no arguidu nain tolu (3) ajuda hiit sae odamatan ho forsa hodi nakloke, tama ba loja laran hodi foti naok sasan mak hanesan tuir mai nee.
Osan cast US$ 650, 50, Pulsa TT, Telemor, Telkomsel hamutuk US$ 300, Tip Telemor tobol 3 US$ 36, spiker boot ida folin US$ 38, perfun tolu no kadeli biasa tolu folin US$ 9.00, Besi Gyn 2 folin osan US$ 46, brinkus haat no kelu kopu tolu ho folin US$ 17, total montante US$ 127.50.
Tuir mai liu tiha loron 3 iha loron 28 fulan Marsu tinan 2024 haleu oras tuku 02.50 OTL, arguidu sira hafoin kontaktu malu, sai husi Dili diriji ba likisa ho kareta Toyota Prado matrikula 23-035 TL neebe hetan aluga husi lezadu Cai, hafoin fo volta iha Dili laran oras hirak nia laran.
Hafoin too iha Loja LEADSO nia oin, sira iha Aldeia Leopa, Suku Dato, Munisipiu Likisa, hafoin para kareta arguidu SK mak tun uluk husi kareta, hodi mos safenda ida save roda hodi selok no sobu odamatan, hafoin nakloke arguidu sira nain tolu ajuda hit sae odamatan.
Tuir mai sira tama ba loja laran, arguidu MMO hahu sobu kamera CCTV no arguidu AM hafuhu ema iha liur, no arguidu SK hahu hakat ba loke gaveta haree osan laiha arguidu SK obriga sira nain tolu dehan tama deit ba sira nia kuartu hodi fanu deit ona.
Tuir mai arguidu sira idak-idak foti lampada tau ba ulun foti mos katana no sabit iha loja laran hodi uza, sira nain haat diriji ba lezadu nia kuartu hodi futu uluk nia aman lezadu Wang Yong Chao, hotu tiha arguidu MMO hein lezadu no arguidu ET no AM akompanha SK hakat ba lezadu XX nia kuartu, silu nia liman rua ba kotuk arguidu ET no AM hahu kesi nia liman no ain, tuir mai suspeitu SK se katana hodi husu dehan uang dimana, lezadu hatan dehan osan iha neeba, labele hamate hau.
Tuir mai SK hiit brankas sai husi janela, arguidu nain tolu foti tan sigaru slop 26, tua legend butir hitu (7), butir bet ida kiik tolu (3), hamutuk tua butir sanulo (10).
Hafoin hodi brankas, sigaru no tua diriji mai Dili no sira fera brankas nee iha area Ponte Komoro Dili, hodi fahe osan total US$ 5.000 kada ema ida hetan US$ 1.250, nunee mos sasan sira seluk hanesan sigaru no tua.
Konsekuensia husi arguidu sira nia hahalok ba faktus rua nee no maneira hodi save roda tama foti naok ema nia sasan iha loja laran ho maneira selok odamatan no osan iha brankas ho total US$ 5.000 no sasan sira hanesan tua no sigaru iha tempu kalan fo prejuizu ba lezadus sira ba faktus primeiru ho prejuizu US$ 1.127.50 no faktus segundu no prejuizu total US$ 7.000.
Argundu sira mos involve iha kasu registada ho Nuc 0387/2015/DICMR. mic 0369/2021/DICMR, nuc 0748/2018/DICMR.
Arguidus sira halo ho forma livre, deliberada no konsientemente la obsta sira nia komportamentu, hodi aproveita iha tempu kalan para fasil liu hodi selok odamatan tama foti naok ema nia sasan hodi hetan benefisiu, maske hatene muito bem katak konduta nee lei proibe.
Nune konstitui arguidu sira ET, MMO no AM hanesan autoria material ba krimi 2 Furtu Agravadu artigu no artigu 253 no 2 kodigu Penal actual e um (1) krime de Armas Branka artigu 20 Lei n 7 /2017 de Abril.
Hatan ba akuzasaun neebe iha, arguidu ET deklara katak momentu neeba nia kolega ida naran SK mak telefone arguidu hodi haruka ba foti kareta iha rental, depois foti tiha kareta arguidu ET husu ba SK katak ita atu ba neebe SK mos hatan katak atu ba hemu tua. Ho nunee mak arguidu ET mos dehan se nunee hau kontaktu ba hau nia kolega nain rua hodi ita ba hemu hamutuk, tanba nee mak arguidu ET mos kontaktu fali ba nia kolega nain rua arguidu MMO no arguidu AM hodi ba tula sira nain rua, hamutuk sira nain tolu ho SK, sira nain haat ba hemu tua iha Largo Lesidere.
Arguidu ET deklara, hemu tiha tua depois fila husi Largo Lesidere sira ho kareta liu husi Ponte Foun, no too iha Loja ida iha Kampu Baru besik Hospital nian, SK haruka arguidu para kareta iha loja oin, no SK mak tun uluk lori save ida selok loja nee nia odamatan, depois bolu ajuda ba arguidu MMO no AM hodi hiit odamatan. Depois SK tama uluk ba loja laran hamutuk ho arguidu nain rua MMO no AM foti sasan. Maibe arguidu ER la tama ba loja laran, iha deit kareta laran.
Arguidu ET deklara, SK mak foti sasan hanesan osan atus ida, besi hiit nee rua, no sasan kiik balu. No osan neebe SK foti nia dehan katak, osan nee atu ense mina kareta nian.
Arguidu deklara, foti tiha sasan iha Loja nee, arguidu konduz kareta hodi lori arguidu nain rua MMO no AM ba hatun tiha iha Tasi Tolu, no kontinua lori SK ba hatun iha Kolmera, depois lori Kareta ba entrega tiha arguidu ET kontinua fila mai uma ho Taxi.
Arguidu ET deklara, iha loron 28 nee SK mak kontinua telefone arguidu haruka ba foti kareta iha rental, tanba nee arguidu mos ba foti kareta, no momentu neeba arguidu husu ba SK katak, foti kareta atu ba neebe SK hateten katak atu ba tula sasan.
Arguidu deklara, rona tiha SK koalia nunee arguidu ET mos kontaktu ba arguidu MMO no AM hodi sira ba, no momentu neeba SK haruka sira atu ba iha Likisa, no iha dalan SK hateten ba sira katak, se tula duni buat nee, sira sei fahe osan no ema ida sei hetan rihun ida resin kada ema ida.
Arguidu deklara, antes tama iha Likisa sira sei para kareta iha dalan hodi hemu tua, depois too tiha iha Likisa sira kontinua ho kareta liu ba Likisa nia sorin para hela iha Mota laran ida. Depois kalan ona sira fila fali mai iha Likisa, no too iha Loja ida nia oin SK haruka para arguidu mos para.
Arguidu deklara, para tiha kareta SK tun uluk hodi sobu odamatan, no hamutuk ho arguidu MMO no AT tama ba iha Loja laran, arguidu hein kleur sira la sai mai arguidu mos tuir tama ba. Iha laran arguidu ET haree SK hamriik besik fatin kasir nian, no arguidu foin hase, SK dehan ba arguidu katak se tauk ten lalika mai ida, SK kontinua ba foti tudik entrega ba iha arguidu MMO no AM inklui arguidu ET kaer, hodi tama ba iha lezadu sira nia fatin.
Arguidu deklara, sira tama ba iha lezadu nia fatin lezadu toba hela, tanba nee sira lori deit ID Card nia talin mak futu lezadu. No SK kontinua tama ba iha lezadu nia oan mane nia kuartu, hodi latan katana ba nia oan mane nia hirus matan, no lezadu nia oan mane dehan ba SK katak, kolega keta oho, foti osan karik foti ba.
Arguidu deklara, foti tiha brankas osan nian, tua no sigaru sira fila ona, mai iha dalan mak sira fera brankas hodi sura osan hamutuk rihun US$ 5. No osan nee sira fahe kada ema ida rihun US$ 1 resin, tua sira hemu hotu no sigaru iha SK.
Arguidu deklara, depois polisia kaer tiha sira, osan sira entrega hotu ona.
Arguidu MMO deklara katak, faktus neebe iha loos hotu, maibe arguidu la hatene momentu ho intensaun sai ho kareta nee ba naok. Arguidu hanoin ba tula sasan tanba nee mak arguidu mos ba.
Arguidu deklara, momentu iha Loja ida Kampu Baru arguidu mos tama ba laran, maibe la foti sasan SK mak foti sasan. No iha Likisa arguidu la lori tudik, maibe SK mak fo sabit ida ba arguidu kaer, no rekonhese lori duni ID Card nia talin futu lezadu.
Arguidu deklara tan, momentu ba Likisa nee SK dehan deit ba tula sasan, tanba nee mak arguidu mos hakarak hodi ba. No osan neebe fahe arguidu hetan US$ 100 resin, maibe polisia kaer arguidu entrega kedan ba polisia iha momentu neeba.
Arguidu AM deklara tan, faktus neebe konsta iha akuzasaun loos, maibe momentu neeba arguidu sira lao tuir deit SK. No arguidu la hatene momentu sira lao nee atu ba naok, se hatene nunee arguidu sei la ba.
Arguidu AM deklara, SK mak haruka arguidu sira futu lezadu, no osan neebe iha sira fahe no arguidu nian entrega ona ba polisia.
Rona tiha arguidu sira, Tribunal adia ba loron seluk.
Audensia julgamentu nee Prezide husi Juiz Kolektivu, Arjentino Nunes, Zulmira Auxiladora, Ivan Patrocenio, Ministeriu Publiku reprezenta husi Prokurador Domingos Barreto, arguidu hetan asistensia legal husi Advogadu Privadu Manuel Tilman.
(ter)
