DILI, STLTIMORLESTE.com – Sosiedade balu preokupa ho Justisa iha Timor Leste, maibe Jurista Timoroan konsidera katak, Justisa iha Timor lao neineik maibe lao hela.
“Hau nia observasaun uma vez ke lao neineik maibe lao hela,” dehan Jurista Sergio Dias Quintas ba STL iha Tribunal Dili, Segunda 916/12/2024).
Nia fo ezemplu operador Justisa Ministeriu Publiku Juiz Defensor Publiku no Advogadu numeru nee tinan ba tinan aumenta, liu husi prosesu selesaun no tuir formasaun.
Tanba iha lejizlasaun balu komesa halo revizaun, infraestrutura bazika mos iha planu atu estabelese iha munisipiu sira, tanba lei organizasaun promulga tiha, maske implementasaun nee oituan deit, maibe ita konsidera lao. No hein katak iha tinan 2025 no tinan 2026 dezenvolvimentu no progresu ba setor justisa nee diak liu fali tinan 2024.
Laos dehan Governu la halo buat ruma iha tinan 2024 maibe halo, no problema balu mak sai hanesan dezafiu Governu tenke rezolve.
Miabe implementasaun lei organizasaun Judisiariu sei iha surat tahan deit, atu implementa seidauk, hanesan estabelese Supremu Tribunal Justisa, Tribuna Militar no hirak neebe preve tiha ona iha lei organizasaun Judisial, tuir lo-loos Estadu liu husi Governu haree buat sira nee atu tinan hirak mai nee estabelese ona tuir saida mak hakerek iha lei organizasaun Judisial.
Iha fatin ketak, Prezidente Tribunal Rekursu, Deolindo Dos Santos dehan, tuir planu sei estabelese tan Tribunal foun iha Munisipiu 4.
“Tuir dezenhu neebe foun, ba Tribunal Pimera Instansia sira nee ho dezenhu ida deit, tenta atu atu akontese no primeiru sei iha uluk Bobonaro, Ermera, Baukau no Vikeke, atu apoiu Juiz sira halao servisu, tanba Prokurador, Defensor iha ona, falta Tribunal,“ dehan nia.
(ter)
