DILI, STLTIMORLESTE.com – Kadaver Maktoban Amu Domingos Maubere too iha Igreja Sagrado Coração de Jesus Bekora, sarani sira simu ho matan-been.
Tuir observasaun iha loron Sabadu nee (17/5/2025) iha Igreja Bekora sarani barak mak hein iha estrada ninin nomos iha resintu igreja simu Amu Domingos Maubere nia kadaver.
Bainhira kadaver Amu Maubere too iha igreja iha tuku 02.18, simu husi amululik, madres, sarani, estudante akompanha lori Amu Maubere nia kadaver ba iha Igreja laran, nunee iha minutu balun kontinua ho misa, misa nee Prezide husi Administrador Parokia Sagrado Coração de Jesus.
Tuir orariu fo sai husi Arkedioseze Dili, kadaver Amu Domingos Maubere tau iha Igreja Bekora hahu ohin too aban no iha loron Segunda sei lori ba iha katedral Dili halo misa Funebre iha tuku 10.30 dader, depois de misa sei haloot iha Semiteriu Maloa Ailok Laran.
(joa)
