DILI, STLTIMORLESTE.com – Kafe organiku Timor produtu neebe eksporta ba rai liur, too oras nee seidauk atende masimu ba komunidade internasional, tanba produsaun kafe kuantidade sei menus.
Dehan Diretor Nasional Kafe Plantas Industrias, Juliao dos Santos ba STL iha Kaikoli, Dili, Segunda nee (04/11/2024).
“Ita nia kafe iha Timor seidauk atende masimu, sei menus liu hodi atende ba komunidade internasional, tanba ita entermus kuantidade dook los, kualidade so ita kafe organiku, kafe hibridu Timor organiku identidade Timor nian,” hatete Juliao.
Nasaun hotu tuir Juliao katak, hakarak kafe Timor nian, maibe produsaun kafe menus liu, tanba nee esforsu estadu liu husi Ministeriu Agrikultura Pekuaria Peskas no Florestas (MAPPF) atu hadia kafe nee.
Tanba kafe sai prioridade, nunee iha fatin sira neebe dominante hanesan Ermera, Likisa, Ainaro, Manufahi, Aileu, Bobonaro oituan, Manatuto oituan, maibe area prioridade mak Ermera no Likisa.
Ho nunee halo espasaun oituan intensifika mos plantasaun kafe sira, depois ita bele intensifika hodi diversifika plantasaun kafe sira neebe mak komunidade iha, produsaun oituan plantasaun mos laiha manutensaun, nunee produsaun kafe nee kuantidade kiik depois laiha manutensaun entaun produsaun kafe kiik los, tanba nee liu husi reabilitasaun kafe otomatikamente produsaun kafe nee sae.
(joa)
