DILI, STLTIMORLESTE.com – Ohin Komisaun Anti Korupsaun (KAK) halao buska ba uma ida neebe lokaliza iha Aldeia 30 de Agostu, Suku Komoro, Dili.
KAK too iha fatin refere iha dader, no halo buska foti dokumentu iha toples boot rua, aleinde foti mos kareta ida ho xapa matrikula VCB 3107.
Uma neebe KAK halo buska ba, nain husi inisial AC neebe oras nee daudaun halao hela knaar iha Timor Gap.
Tuir regra, buska no aprensaun neebe KAK halo, sempre ho baze legal hanesan Mandadu husi Ministeriu Publiku.
Entretantu tuir observasaun jornalista STL iha terenu haree katak, bainhira ekipa KAK halo buska remata, lori kedan dokumentu no kareta neebe foti ba iha Edefisiu KAK, Farol, Dili.
Jornalista: Terezinha De Deus
Editora: Carme Ximenes
