DILI, STLTIMORLESTE.com – Komisaun Anti Korrupsaun (KAK) halao sensibilizasaun ba kargu xefia sira, kona-ba atu hasae konhesimentu sira nian ba iha rejime juridiku deklara rikusoin.
“Ohin atividade KAK nian halo sensibilizasaun ba kargu xefia sira kona-ba servisu KAK nian, no mos importante liu prezensa kargu xefia sira nian mai nee oinsa, informasaun sira nee ba iha Ministeriu idak-idak asesor nasional no kargu xefia sira oinsa bele ba rejista sira nia rikusoin,” dehan Komisariu KAK, Rui Pereira ba jornalista sira iha Salaun MSSI, Kaikoli, Dili, Kinta (23/01/2025).
Komisariu KAK nee hatutan, tinan kotuk iha Ministeriu Interior lubuk ida mak kona penalti, balu iha saude nian no Ministeriu balu la lembra ona, maibe kona penalti nee hamutuk atus haat resin.
Husi numeru atus haat resin nee balu mak halo reklamasaun ba iha KAK, balu KAK konsidera no balu la konsidera. No atividade neebe KAK halo tanba kargu xefia no Gabinete iha Ministeriu sira lista asesor nasional sira balu lista la tama, ho ida nee mak iha tinan nee asesor no mos iha Parlamentu Nasional tinan kotuk la tama, tinan nee sira tenke ba rejistu hotu.Tanba lei nee hateten se mak hatene aan asesor nasional tenke iha obrigasaun atu ba rejista rikusoin.
Iha fatin hanesan, Ministra Solidariedade Sosial no Inkluzaun, Veronica Das Dores dehan, sosializasaun nee atu fo hanoin ba iha parte sira atu halao servisu tuir koridor neebe iha.
“Ami agradese ba Komisariu sira nia tempu neebe ohin halo ona sosializasaun kona-ba programa anti korupsaun atu rejeita kona-ba korupsaun, tanba nee mak halo sosializasaun atu servisu neebe iha lao tuir koridor neebe iha, “dehan nia.
(ter)
