DILI, STLTIMORLESTE.com – Komisaun Anti Korupsaun (KAK) kontinua halao diskusaun kona-ba dokumentu Estratejiku Nasional Anti Korupsaun ninian, neebe tuir planu sei implemeta iha fulan Dezembru 2025.
Adjuntu KAK Prevensaun no Sensibilizasaun, Rosario Salsinha Araújo hateten, diskusaun ba dokumentu hodi hatutan fila fali iha 30 fulan Maiu, iha fulan kotuk hasoru malu iha MNEK ninian koalia kona-ba asuntu ENAK sira refleta asuntu nasionál kona-ba Kombate Korupsaun iha Timor Leste, Estratejiku Nasional Anti Korupsaun refleta estudu lubuk ida neebe hatudu no indika katak nasaun nee iha hela tentasaun koruptus.
“Ita nia nasaun iha hela tentasaun koruptus ba se, ba setor publiku no setor privadu neebe loron kalan lei nee eziji sira tenke komprimenta, tanba nee mak Estratejiku Nasional Anti Korupsaun nee tenke iha reforsa Instituisaun Estadu sira setor publiku no setor privadu tenke komprimenta too momentu ida ita nia nasaun tenke diak,” dehan Adjuntu KAK Prevensaun no Sensibilizasaun, Rosario Salsinha Araújo ba jornalista sira iha Salaun MSSI Kailkoli, Dili, Kuarta (09/07/202).
Nia hatutan, estratejia atu kombate korupsaun, primeiru tenke refleta nafatin represiva tenke iha, preventiva tenke iha no edukasaun anti korupsaun iha buat tolu nee, valor prinsipal ida neebe hatur iha lei neebe iha represiva tenke iha ema ida sala nia tenke komprimenta ba lei.
Nunee, ba tuir investigasaun no ba hatan iha Tribunal ema mos tenke komprimenta ba materia ida preventiva nia konsiente katak nia sala nia hadia aan, no instituisaun sira neebe hatene sala nee hadia aan, buka maneira seluk estratéjia sira seluk atu kultura no hahalok ida halo la diak iha instituisaun estadu nee tenke muda diak, ita tenke koko kultura ida mais diak.
Reforsa, lei nee la temi kargu xefia maibe lei nee temi setor privadu setor publiku, iha knaar atu halao ida nee no ema hotu neebe envolve aan iha setor publiku husi nivel kraik too iha nivel altu tenke kumprimenta ba ida nee.
Nunee mos ba sektor publiku sira laos loron-loron hetan osan husi Estadu, maibe sira simu osan doasaun sira neebe reprezenta estatu mak sira simu. No lei ida nee mos atu koalia kona-ba violasaun sira, katak buat lubuk ida akontese iha nasaun. Ho nunee objetivu diskusaun atu hatutan ba oin pelumenus atu tama iha fulan Dezembru tenke iha rezultadu ida forma dokumentus ida naran Estratejiku Nasional Anti Korupsaun, sai medidas ida forte atu instituisaun sira implementa.
Iha fatin hanesan, Komisariu Komisaun Anti Korupsaun, Rui Pareira hatete, iha diskusaun nee kona-ba dokumentu Estratejia Nasional Anti Korupsaun nian, dokumentus ida nee kontinuasaun husi diskusaun sira antes nee.
“Ida nee hanesan kompromisu ida ba ita hotu-hotu oinsa ita atu hola parte atu kontribui, ita atu hakerek dokumentus Estratejia Nasional Anti Korupsaun nian,” dehan nia.
Afirma, diskusaun nee partisia husi entidade sira Insitusaun estadu hotu, sosiedade sivil sira neebe eziste iha Timor Leste.
(ter)
