DILI, STLTIMORLESTEcom – Visi Primeiru Ministru no Ministru Koordenador ba Assuntu Ekonomiku no Ministru Turizmu no Ambiente, Francisco Kalbuadi Lay hatete, Timor Leste (TL) iha beleza natural atu dada investor internasional sira mai halo investimentu iha rai laran, hodi kontribui ba kresimentu ekonomiku.
Kestaun nee Francisco Kalbuadi Lay deklara wainhira loke Forum Investimentu Turizmu Timor Leste dahuluk, neebe halao iha Sentru Konvensaun, Dili, Kinta (21/11/2024).
“Timor Leste iha beleza natural oin-oin ho furak sira tasi nian oferese ba vizitante sira buat furak oin-oin no hein katak sei bele dada investor sira nia interese ba investimentu iha seitor turizmu Timor Leste nian no promete atu alkansa kresimentu turizmu sustentavel,” hatete Kalbuadi.
Nia dehan, povu Timor Leste nia kmanek ka laran luak no hospitalidade iha potensia atu apoiu destinu turizmu global ida iha pais nee. Tanba ekonomia neebe diak oferese oportunidade ba investimentu diversidade iha parte leste, nia paisajen no natureza kria ho hakmatek.
“Natureza furak sira no tasi moos neebe Timor Leste iha kobre mos foho matebian iha Munisipiu Baukau, foho Kablaku iha Munisipiu Manufahi hela hanesan paisajen estadu natural. Oferese protesaun atu haree no esperiensia neebe la bele haluha ba ema neebe buka hatene no hadomi natureza iha area sentral sira,” dehan governante nee.
(alb)
