DILI, STLTIMORLESTE.com – Visi Primeiru Ministru Kalbuady Lay hatete, tinan 2026 hanesan tinan ezemplar unidade Institusional Timor Leste.
Visi Primeiru Ministru Kalbuady Lay hatoo kestaun nee liu husi nia diskursu, bainhira halo enkontru ho ekipa hodi prepara eventu Dili Maratona Internasional iha palasiu Prezidensial Nicolau Lobato, Bairo Pite, Tersa (31/03/2026).
“Mensajen ida nee hatoo ba ita boot sira katak, ita hakarak iha tinan 2026 sai hanesan tinan organizasaun ezemplar unidade institusional no prozesaun pozitivu ba Timor Leste,” dehan nia.
Visi Primeiru Ministru hatete, tinan 2026 sai hanesan tinan organizasaun ezemplar unidade institusional ba Timor Leste.
Pas estabilidade ho Unidade Nasional mak baze fundamental ba dezenvolvimentu tenke reflete iha rezultadu konkretu.
Visi Primeiru Ministru haktuir liu tan katak eventu sira nee reprezenta prioridade estratejika hanesan desportu turizmu siensia ho inovasaun solidaridade no identidade nasional.
Membru Governante nee dehan, estabilidade nasional mak kondisaun importante atu atrai investimetu estranjeiru nia dinamiza ekonomia lokal no redus dezempregu.
“Lideransa sua Exelensia Prezidente Republika iha papel importante ida konsolidasaun unidade nasional mitigasaun tensaun polítika hanesan Xefe Estadu,” katak Visi PM.
Nunee mos adezaun Timor Leste nuudar membru Planu ba ASEAN iha tinan 2025 iha 26 Outubru. Nunee mos loke oportunidade foun ba prozesaun internasional.
Nia akresenta liu tan katak, tinan 2026 mak marka final mandatu Prezidente Republika sai momentu simboliku ba rekonhesimentu selebrasaun nasional desportu arte no kultura mak instrumentu importante atu promove pas, koezaun sosial no prevene konflitu.
(eme)
