DILI, STLTIMORLESTE.com – Bankada Partidu Demokratiku (PD) iha Parlamentu Nasional kritika serimonia proklamasaun independensia ba dala 49, neebe halao iha Rejiaun Administrativu Espesial Oekusi Ambeno (RAEOA), tanba lao desorganizadu.
“Hau hakarak hatoo hau nia kritika ida, selebrasaun ida halao iha Oekusi espesialmente 28 Novembru nee, hanesan reprosesu boot ida hafoin dekada rua ita restaura ita nia independensia, selebrasaun ida neebe la demostra duni kualidade organizasaun, maibe orientadu liu ba serimonia komemorativa neebe la iha konteudu Nasionalizmu,” hatete Deputadu Antonio da Conceição “Kalohan” iha plenaria PN, Tersa (03/12/2024).
Nia hatutan, iha serimonia nee protokolu lao iha kantu ida sein hatene publiku ninia prezensa, tanba regras neebe iha halo ema hotu-hotu hanesan la vale hafoin tinan 20.
“Hau hanoin Deputadu sira observa prosesu serimonia sira neebe lao iha neeba, ita lamentavel tebes, no ba hau senti hanesan depois dekada rua mak hau foin haree ida, nasaun labele lao hanesan nee. Hau senti hanesan laran moras,” hatete Kalohan.
(alb)
