DILI, STLTIMORLESTE.com – Deputada husi Bankada FRETILIN kestiona kama ba pasiente la too, no proposta Orsamentu Jeral Estadu (OJE) 2025 sei hadia servisu saúde, maibe aloka ba saude 6.2%.
Deputadu husi Bankada FRETILIN, José da Cruz hatete, iha HNGV iha kama 385, maibe pasiente total 3 mil resin, fatin nee la too ba pasiente sira.
“Ita nia HNGV nee iha kama 365, maibe rasiu entre ema moras ho kama neebe iha, tanba pasiente 3.000, hadau kama,” katak Deputadu Bankada FRETILIN, José da Cruz, iha debate proposta OJE 2025 iha PN, Sesta (08/11/2024).
Deputadu nee dehan, iha diskursu PM katak, OJE 2025 nee sei hadia mos servisu saude iha pais tomak, no sei investe iha HNGV, no Hospital Referensia, atu konstrui no reabilita postus no sentrus saude komunitariu sira. Maibe, proposta orsamentu ba setor saude iha tinan 2025 nee reprezenta deit 6.2% husi total orsamentu estadu nian, no maizumenus 68% husi alokasaun ida nee ba deit kategoria salariu no vensimentu no mos Bens e Servisu, enkuantu despeza ba kategoria Kapital minor nee iha redusaun 158% kompara ho tinan kotuk, biar hospital sira sei menus ambulansia, kama ba pasiente sira no ekipamentu sira seluk.
Nia hatete, faktu ida nee kontraria tebes ho prioridade neebe define iha PEDN, Programa IX Governu inklui Primeiru Ministru nia diskursu rasik.
(gui)
