DILI, STLTIMORLESTE.com – Nasaun Kambodia kontinua fo apoiu ba Timor Leste (TL) iha area sira neebe estabelese ona liu husi kooperasaun bilaterál entre nasaun rua.
Embaixador Kambodia, Chun Sovannarith atualiza ona kompromisu nee durante enkontru ho Primeiru Ministru (PM), Kay Rala Xanana Gusmão, iha Palasiu Governu, Tersa (06/05/2025).
“Ami koalia kona-ba kooperasaun neebe iha ona, hanesan ekonomia, komersiu, edukasaun, turizmu, agrikultura, telekomunikasaun no seluk tan,” Chun Sovannarith hateten liu husi nota komunikadu neebe STL asesu husi media Gabinete Primeiru Ministru, Tersa (06/05/2026).
Diplomata Kambodia ho Xefe Governu mós fahe hanoin kona-ba prosesu adezaun TL nian ba ASEAN, koalia kona-ba pas no estabilidade rejional.
“Ami hein atu servisu besik liu tan ho Estadu membru ASEAN nian nunee bele ajuda Timor Leste sai membru plenu iha tinan ida-nee,” nia hateten tan.
Iha okaziaun nee mos Embaixador Kambodia dahuluk iha TL nee fahe hanoin ho Primeiru Ministru kona-ba istoria rai rua nian neebe sempre luta atu alkansa hamutuk mak hanesan dame, rekonsiliasaun no unidade ba dezenvolvimentu sosiu-ekonomiku.
(alb)
