DILI, STLTIMORLESTE.com – Bolsa kandidatu profesores 2024 hamutuk 126 submete ona sira nian domentus komprovativu ba Ministeriu Edukasaun (ME).
Lia hirak nee hatoo husi João Amaral hanesan Diretor Nasional Rekursu Umanu husi Ministeriu Edukasaun ba jornalista STL iha nia knaar fatin Vila Verde, Kinta nee (12/06/2015).
“Iha neste momentu profesores submisaun hela dokumentus komprovativu nian mai iha Ministeriu Edukasaun k(ME), simu ona dokumentus husi kandidatu hamutuk 167, husi 187 kandidatu, agora sira hatama hela dokumentus too aban, tanba data nee aban deit ona,” nia afirma.
João dehan, kandidatu balun mos sei trata hela sira nian dokumentus hanesan rejistu kriminal ninia, neebe loron nee sei iha tempu oituan, atu nunee sira bele submete depois ninia prosesu nee molok halo xamada ba sira.
“Bainhira submete hotu ona dokumentus sira nee, ami sei publika iha etapa tuir mai hanesan xanada ba kandidatu sira,” nia deklara.
Iha fatin seluk, Diretor Servisu Edukasaun Munisipiu Likisa, Julio da Silva hatete, bolsa kandidatu profesores neebe iha ona bolsa nee kompetensia Ministeriu nian, tanba husi Edukasaun Munisipiu nee bainhira koloka ona mai mak foin simu sira, agora ba iha kolokasaun nee kompetensia husi ME nian.
“Hau hanoin kona-ba bolsa kandidatu profesores neebe iha ona bolsa nee kompetensia Ministeriu nian, tanba husi Edukasaun Munisipiu nee bainhira koloka ona mai mak foin simu sira, agora ba iha kolokasaun nee kompetensia husi ME nian,” nua afirma.
Nia dehan, sira nian eskola balun sei menus profesores, maibe ho rekrutamentu neebe ME halo bele responde ba eskola neebe sei menus profesores, ba oin presiza aumenta tan profesores.
(jac)
