DILI, STLTIMORLESTE.com – Kapitaun Ekipa Jogador Timor Leste (TL), Inigo Martins Fatima Braz optimista katak, iha jogu abertura futebol U-16 Jogus Desportu Comunidade dos Países de Língua Portuguesa (CPLP) hasoru ekipa Jogadores U-16 husi nasaun Portugal, garante katak ninia ekipa sei manan.
Deklarasaun optimista nee nia relata liu husi konfrensia Imprensa iha Media Center XII Jogus Desportu CPLP iha Centro Convensoens Dili (CCD) Kaikoli, Sesta (18/07/2025).
“Hau ho ekipa jogador sira U-16 TL, prontu ona atu hasoru ekipa U-16 husi nasaun Portugal iha abertura Jogus Desportu CPLP ba dala XII neebe tinan nee TL mak sai uma nain, ami fiar katak sei hamorin naran TL iha eventu importante nee,” dehan Igino ba jornalista sira liu husi konfrensia imprensa iha Media Central CCD Kaikoli Dili, Sesta (18/07/2025).
Nia haktuir tan katak, durante nee sira nia preparasaun diak no prontu ona atu hatudu talentu jogus Desportivu CPLP tinan 2025.
Iha oportunidade hanesan, Denilson Guterres nuudar treinador U-16 TL dehan, ninia ekipa prontu ona atu kompete iha jogus Desportivu CPLP tinan 2025 neebe sei abertura ho ekipa Jogador sira husi Nasaun Portugal iha Estadiu Munisipal Dili.
“Hau hanesan treinador atu informa ba publiku katak aban loron Sabadu kalan hau nia ekipa jogador U-16 husi TL sei joga abertura futebol ho maluk jogador husi nasasun Portugal, tanba nee fiar katak sei fo rezultadu diak, tanba jogador sira nee ami rekolha husi jogador 13 munisipiu inklui Rejiaun Administrativa Espesial Oekusi-Ambeno (RAEOA). Durante nee ami nia preparasaun nee diak, tanba nee hau nia ekipa prontu ona atu kompete iha jogus desportivu CPLP ba dala 12 neebe TL mak sai uma nain iha tinan 2025,” dehan nia.
Ekipa U-16 Portugal kompete jogus abertura,
iha oportunidade hanesan Pedro Mota da Silva nuudar treinador U-16 Portugal deklara ba publiku liu husi konfrensia imprensa katak, sira nia ekipa jogador futebol husi Portugal prontu ona atu kompete iha jogus Desportivu CPLP tinan 2025 neebe sei realiza iha loron Sabadu kalan hahu tuku 19: 00 too remata.
“Hau atu deklara ba publiku katak, ami nia ekipa futebol husi Portugal prontu ona atu kompete ho maluk jogador futebol husi TL. Importante husi jogu nee atu hametin pas, dame no unidade no dezenvolve ba malu entre nasaun CPLP iha seitor ekonomia, turizmu no seluk-seluk an,” dehan Treinador Portugal, Pedro Mota.
Iha biban nee nia fo mensajen ba maluk nasaun CPLP neebe mak namkari iha mundu toma, mai kaer liman hamutuk atu susesa jogus Desportu CPLP tinan 2025 ba dala XII neebe tinan nee TL mak sai uma nan.
(jos)
