DILI, STLTIMORLESTE.com – Komisariu Komisaun Anti Korrupsaun (KAK ), Rui Pereira hatete, ho prezensa lei Medida Prevensaun Kombate Korrupsaun (MPCC ) ajuda ona KAK hodi halao servisu.
“Pontu pozitivu ho prezensa lei MPCC nee ajuda ona, liu-liu artigu sira neebe temi iha neeba nee katak, kargu xefia no pessoal sira neebe servisu iha area neebe risku, sira tenke deklara sira nia rikusoin,” dehan Komisariu KAK, Rui ba jornalista sira iha salaun MNEK, Kuarta (20/11/2024).
Nia dehan, ida nee nia sentidu katak, se karik kargu xefia sira nee balu envolve iha kazu krimi, nee mais fasil halo pedidu ba Tribunal atu fo autorizasaun, atu sira bele tama iha sistema hodi chek ema nee nia asset iha nee, no riku derepente sasan sira nee mai husi neebe.
Tanba lei MPCC nee ida KAK mak halo rejista rikusoin sira nee, no Komisariu KAK no Visi Ministru ba iha Kamara de Kontas Tribunal Rekursu, se prosesu balu kona sira, ema bele klik deit iha neeba chek, Komisariu envolve iha kazu hanesan nee, bele chek iha nia rikusoin, se nia riku derepente sae tenke haree.
Maibe lei nee fasilita servsiu Ministeriu Publiku nian no KAK nian, no oras nee dokumentus ba hela iha Komisariu nia meza leten, sira neebe notifika beibeik la kumpri sei implementa koima, no konta ba koima nee iha tiha ona, hein deit Komisariu hasai despaisu ba iha Ministeriu Finansas ho Banku Central no kargu xefi sira simu osan menus lalika buka ona.
Nunee, primeiru 25%, depois la kumpri aumenta tan 30%, depois sei notifika ba iha Superior Ministru no mos Komisaun Funsaun Publiku atu implementa mos sansaun disiplinar sira seluk, neebe iha lei funsaun Publiku hateten.
Liga ho sistema neebe iha, haruka ona ba iha Prezidente Komisaun Funsaun Publiku hein deit informasaun sira nee mai, no komulativu neebe iha besik atus haat resin, konta husi Komisariu iha, la konta ho sira neebe Komisariu la iha. Maibe konta husi Komisairu iha notifika sira la kumpri sei implementa ba oin.
Iha fatin ketak, Akademiku UNTL Sebastião Dos Santos dehan, KAK tenke kumpri lei neebe iha, hodi fo sansaun ruma ba kargu xefia sira neebe la kumpri hodi deklara rikusoin.
“Hanoin presiza duni iha sansaun ruma ba parte balu neebe la kumpri, tanba entidade hotu iha lei ida atu regula, tanba nee kuandu iha deklarasaun balu tenke kumpri,” dehan nia.
(ter)
