DILI, STLTIMORLESTE.com – Xefe Estadu Maiór Jenerál FALINTIL – Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” hatete, kari ai-funan iha fatin ida nee hodi hanoin hikas sakrifisiu eroi no eroina sira neebe halo ba rai ida nee too hetan ukun rasik aan nomos sira neebe lakon no mate iha funu laran too rate laiha.
“Ita hamutuk iha nee atu fo omenajen ba ita nia FALINTIL sira, tanba sofrimentu neebe ami simu daudaun ne’e ladun todan, maibe imi nia sakrifisiu ne’ebé halo mai ami todan liu,” hatete Xefe Estadu Maiór Jenerál FALINTIL – Forsa Defeza Timor Leste (F-FDTL), Tenente Jenerál Domingos Raúl “Falur Rate Laek”, iha Portu Dili, Kinta nee (21/08/2025).
Xefe Estadu Maior Jenerál F-FDTL mos husu ba joven no jerasaun foun sira atu banati tuir nafatin memória FALINTIL asuwain sira rai hela.
Entretantu partisipa iha serimonia kari ai-funan nee mai husi membru Governu, Membru Parlamentu Nasionál, Ministru Defeza, Donaciano da Costa Gomes ‘Pedro Klamar Fuik’, iha mos Xefe Estadu Maior Jenerál F-FDTL, Domingos Raúl Falur “Rate Laek” nomos Tenente Jenerál Reformadu Lere Anan Timur, Veteranu no mós família antigu kombatente no delegasaun husi Nasaun Estranjeiru sira neebe partisipa iha serimónia 20 Agostu nee.
Serimónia kari ai-funan nee hodi komemora aniversáriu loron FALINTIL ba dala-50 (20 Agostu 1975-20 Agosru 2025) ho tema “Estende a Paz ao Mundo”.
(jen)
