DILI, STLTIMORLESTE.com – Relasiona ho kazu neebe akontese iha Suku Samalari, Munisipiu Baukau, Komando Polisia Nasional Timor Leste (PNTL) liu husi Departementu Investigasaun Kriminal Nasional sei submete ba Ministeriu Publiku (MP) hodi halo prosesu.
Lia hirak nee hatoo husi Xefe Departamentu Investigasaun Kriminal Nasional, Superientidente Polisia João Belo dos Reis ba jornalista sira iha Komando Jeral PNTL, Kaikoli, Kuarta (16/10/2024).
“Ami simu relatoriu husi Komando PNTL Munisipiu Baukau nian katak, iha neeba horiseik tuku 9 dader akontese sunu uma neebe mak involve husi suspeitu nain 2, neebe mak akontese iha suku Samalari, Munisipiu Baukau,”dehan nia.
Nia akresenta, PNTL parte investigasaun Munisipiu Baukau halo hela prosesu ba autor sira neebe mak involve iha kazu nee hodi aprezenta ba MP.
Nia haktuir, iha akontesimentu nee vitima ida kanek no uma ida hetan sunu.
(mar)
