DILI, STLTIMORLESTE.com – Kazu neebe viral iha Media Sosial ema ho idade adultus ida tata kotu labarik nia inus no ibun, oras nee daudaun Komando Polisia Nasional Timor Leste (PNTL) Munisípiu Vikeke detein ona suspeitu, no hein izaminasaun mediku hodi aprezenta ba Ministeriu Publiku (MP).
Hatete Xefe Departamentu Investigasaun Kriminal, Polisia Nacional Timor Leste (PNTL), Superintendente João Belo dos Reis ba jornalista sira iha Komando Jeral PNTL Dili, Tersa (07/1/2025).
Nia dehan, Komando Jeral PNTL Dili simu ona informasaun husi Komandate Munisípiu Vikeke nia katak, loos duni iha akontesimentu ida iha Suku Liaruka, Munisipiu Vikeke nian, akontese ema adultus ida tata labarik ho idade 8 anos nia inus kotu too mai ibun too mate.
No Komando Munisipiu Vikeke halo ona atuasaun no suspeitu detein ona iha sela Komando Munisipiu Vikeke nian.
“Prosesu tuir mai ami sei halao izaminasaun mediku nia, atu nunee ita bele hatene suspeitu nee nia kondisaun oinsa depois ita sei aprezenta ba Ministeriu Publiku,” nia esplika.
Maibe nia dehan, PNTL halo hela aprosimasaun ba familia, nomos komunidade sira neebe hela iha Suku Liaruka tenke hakalma situasan nomos aprosimasaun ba familia hodi nunee rezove problema neebe mak iha.
Iha fatin ketak, Komunidade Suku Liaruka, Munisipiu Vikeke, Josefina Monteiro informa, ema adultus neebe tata labaraik ho idade 8 anos nee, agora daudaun tama ona ba sela Komando Munisipiu Vikeke, tanba labarik nee tata nia inus kotu no ibun mos ba hotu.
(ter)
