BAUKAU, STLTIMORLESTE.com – Kazu naok fahi boot 2 iha area Lanud, Postu Administrativu Baukau Vila, Munisipiu Baukau, autor nain 1 kumpri prizaun preventiva.
Deklarasaun nee hatoo husi Komadante Komando PNTL Munisipiu Baukau, Superintendentes Antonio Maria de Sa ba jornalista sira iha Vila Nova, Sesta (01/11/2024).
“Hanesan publiku tomak hatene, desizaun Tribunal fo sai ohin ita ezekuta mandadprizaun preventiva nain 1 mak kumpri ba naok ema nia animal,” nia informa
Nia fundamenta, prosesu ba kazu refere parte seguransa identifika ema nain 5 hodi rejistu iha Ministeiru Publiku, neebe iha loron 31 Outubru (horiseik) aprezenta kedas ba Tribunal Distrital Baukau (TDB), realiza primeira interogatoriu neebe desizaun final aplika prizaun preventiva ba arguidu nain 1 nain 4 seluk iha hela andamentu prosesu.
Nia sublina, hafoin rona tiha dezisaun husi TDB, Komando Polisia Munisipiu Baukau ezekuta ordem iha loron 01 Novembru (ohin) desloka kedas agruidu refere ba prizaun hodi kumpri.
“Nee kompleta ho keixa husi animal nia nain, iha lei propriu atu regulariza dezisaun Tribunal ita la deskuti, Polisia ezekuta deit,” Antonio akresenta
Entretantu identidade sidadaun nain 5 refere Komando Polisia Nasional Timor-Leste, Munisipiu Baukau la fo sai ba publiku.
(EST 2)
