DILI, STLTIMORLESTE.com – Kazu roo Haksolok oras nee daudaun iha Prokurador Titular nia liman, atu haruka fali ba iha Komisaun Anti Korrupsaun (KAK), maibe desizaun iha Prokurador Titular.
Tuir Komisairu KAK, Rui Pereira katak, kazu roo Haksolok nee uluk tempu Komisariu Sergio nian delegasaun ba iha KAK, no file neebe kona-ba roo Haksolok KAK iha pajina besik rihun, no Komisariu la iha kazu nee entrega fali ba iha Ministeriu Publiku (MP).
“Komisariu la iha kazu nee entrega fila fali ba iha MP, depois MP entrega ba iha PSIK, no enkontru neebe iha husi MP sei haree fila fali atu halo investigasaun konjunta entre KAK no PSIK ka entrega fali ba iha KAK, desizaun ida nee fila fali ba iha Prokurador titular sira nuudar nain ba prosesu,” dehan Komisariu KAK, Rui Pereira ba jornalista sira, depois seminariu loron Mundial Anti Korupsaun iha MF, Segunda (09/12/2024).
Nia hatutan, labele hein deit roo Haksolok, kazu sira seluk neebe presiza halo investigasaun halo deit, labele hein fali deit roo Haksolok.
Hatan kona-ba prosesu sosa aimoruk nian, nia parte dehan prosesu sira nee iha hela KAK, tanba keixa neebe mai nee simu direita husi kesar nain sira no presiza halo averiguasaun no investigasaun pre leminar.
No husi investigasaun mak iha indisu ba krime, provas dokumental no testemunha sira deklara, sira hatene duni mak KAK sei halo partisipasaun ba iha MP, husi neeba mak sei delega mai iha KAK hodi halo investigasaun.
Iha fatin hanesan, Prokurador Jeral Republika, Alfonso lopez dehan, prosesu roo Haksolok iha Prokurador titular nia liman, maibe agora Komisariu no Adjuntu sira iha ona, sei haree hodi desidi haruka ba KAK ka Prokurador titular kontinua investiga.
“Agora Komisariu iha ona no Adjuntu sira, prosesu nee iha titular mak kaer prosesu sei analiza sei koalia, se Komisariu iha ona bele mai KAK,” dehan nia.
(ter)
