DILI, STLTIMORLESTE.com – Kazu sunu eskola Café iha Munisipiu Likisa, iha ona prosesu investigasaun hodi hein rezultadu.
Tuir Adjuntu Inspektor Jeral iha ME, Dodolfo Henrique Aparicio dehan, parte investigasaun Polisia Liquica ninia, oras nee dadaun sira halo hela prosesu investigasaun ba ahi han eskola neebe mak ema deskonesidu sunu nee.
“Ami mos informa ba parte investigasaun polisia Liquica ninia, no oras nee dadaun sira halo hela prosesu investigasaun ba ahi han eskola neebe mak ema deskonesidu sunu. Parte polisia hetan ona informasaun no ninia kontinuasaun polisia sira sei kontinua halo ninia servisu, ita sei hein fali bainhira mak iha rezultadu,” dehan nia ba jornalista iha salaun Ian Martin Balide, Segunda (22/09/2025).
Nia hatete, akontesementu ahi han eskola cafe iha Munisipiu Liquica, nee akontese iha dader madruga tuku rua ho balun. Ahi han Eskola Café Liquica, primeiru depois de inspeksaun jeral halo konfirmasaun liu husi Superintdente Edukasaun Munisipiu katak, bainhira eskola nee ahi han iha mos seguransa ida katak, toba iha eskola kotuk, no nia horon fali kurtina neebe ahi han, mak halo seguransa nee halai sai mai haree ahi han gorden eskola nian, husi janela rua ninia, nunee mak nia ba kuru bee hodi hamate ahi nee.
Nia hatutan, bainhira seguransa hamate ona ahi, halai sai mai iha branda eskola ninia, haree ema nain rua deskonhesidu uza hotu masker halai tun ba iha estrada, no nia kontinua ba hamate ahi. Iha akontesementu ahi han meza rua, no gorden husi janela rua ninia, depois de ekipa hamutuk ho superintendente ba haree realidade iha terenu.
Jornalista: Jacinta Sequeira
Editora: Domingas Gomes
