DILI, STLTIMORLESTE.com – Komando FALINTIL – Forsa Defeza Timor Leste (F-FDTL) liu husi Klinika Militar Metinaro fo tratamentu saude ba veteranu sira inklui membru F-FDTL halo check-up ba sira nia moras, atu nunee halo tratamentu diak ba sira nia saude.
“Objetivu cek up ba ita nia veteranus sira iha Metinaro ohin nee tama iha programa Matrix anual ninia,” hatete Supervisór Diresaun Saude Militár no Ministeriu Defeza, Coronel Guido de Oliveira ba jornalista sira iha nia knaar fatin Kuarta Jeral F-FDTL, Fatuhada, Dili, Sesta (07/03/2025).
Nia dehan, programa tratamentu saude ba veteranu sira hodi hatete kondisaun saude ba veteranu sira, nunee Klinika Militar hakarak detekta kada veteranus idak-idak ninia situasaun saude.
“Ita hakarak halo tratamentu saude ba veteranu sira, karik iha problema ruma ami bele foti solusaun ruma ba sira, ohin nee ita labele fo sai rezultadu ezaminasaun, depois ami fo sai iha publiku, kuandu check-up nee remata ona depois fo rezultadu,” nia tenik.
Iha fatin ketak, Veteranu Custódio Belo “Alin Laek” deklara, veteranu nia naran nee boot, maibe tratamentu ba saude veteranu nian nee laiha kualidade, maibe kontente tebes, tanba ohin veteranu lubuk ida mak mai halo tratamentu iha Klinika Militar Metinaro, sira bele hasai raan no konsulta jeral, fase nehan.
Nunee mos Eis Militar Antonio Soares “Tatamailau” rekonhese katak, tenke iha Kilinika Militar mak bele fo tratamentu saude ba nia veteranus sira, tanba daudaun nee veteranu sira ladun hetan tratamentu neebe diak.
(jen)
