DILI, STLTIMORLESTE.com – Dekretu Lei neebe aprezenta husi Visi Primeiru Ministru no Ministru Dezenvolvimentu Rurál no Habitasaun Komunitária, Mariano Assanami Sabino, bainhira reuniaun KM iha Palasiu Governu, Sesta nee (18/10/2024).
Programa nee ho objetivu atu promove dezenvolvimentu ekonómiku sosiál komunidade rurál sira nian hodi fó apoi ba atividade produtiva sira iha setór agrikultura, peska, pekuária, floresta no ortikultura, no mós infraestrutura no ekipamentu ba interese koletivu. Aliñadu ho prinsípiu sira sustentabilidade nian, inkluzaun sosiál no partisipasaun komunitária”, haktuir komunikadu neebe STL asesu iha Sesta nee.
Programa nee preve konsesaun subsídiu sira ba projetu komunitáriu sira, hodi hametin kapasidade lokál sira no promove reziliénsia komunidade sira nian iha teritóriu nasionál tomak.
Iha parte seluk KM aprova projetu dekretu-lei, neebé aprezenta nafatin husi Visi Primeiru Ministru, Ministru Koordenadór Asuntu Sosiál no Ministru Dezenvolvimentu Rurál no Habitasaun Komunitária, Mariano Assanami Sabino, no husi Diretór Ezekutivu husi unidade misaun nian ba Kombate Atração, Joel Maria Pereira, ba alterasaun dahuluk ba dekretu-lei Nú. 91/2022, hosi loron 22 Dezembru, relasiona ho unidade misaun ba kombate atração.
Dekretu lei Nú. 91/2022 kria unidade misaun nian ba kombate atrasaun ho misaun atu dezenvolve no ezekuta planu nasionál ba kombate atrasaun no promove koordenasaun husi órgaun governu nian sira iha luta hasoru malnutrisaun infantil. Maibé, maski planu nasionál ba kombate atrasaun redusaun kompleta ona, medida sira neebé planeia ona seidauk implementa tomak.
Atu garante kontinuadade serbisu ne nian, Governu iha intensaun atu hanaruk tan mandatu unidade misaun nian too loron 31 Dezembru 2030, hodi permite ezekusaun plena planu nian no kombate taxa aas ba stunning iha TL. Ho mudansa ida nee, hanoin mós atu ajusta enkuadramentu ministeriál foun neebé rezulta husi estrutura IX Governu Konstitusionál, neebé unidade misaun ba kombate atraço sai iha supervizaun husi Visi Primeiru Ministru no Ministru Koordenadór ba Asuntu Sosiál.
Esbosu dekretu lei ida nee hakarak mós atu garante koordenasaun neebé efikás no efisiente entre departamentu oioin governu nian no órgaun administrasaun públika sira, hodi halao responsabilidade sira neebé relasiona ho seguransa nutrisionál neebé atribui iha planu.
Iha enkontru anteriór Konselhu Ministru nian, planu anuál multisetoriál nasionál ba kombate atração hetan mós aprovasaun ba períodu husi 2024 too 2030, ho objetivu atu hamenus taxa ‘atração’ no hadia saúde nutrisionál iha TL.
(gui)
