DILI, STLTIMORLESTE.com – Konselhu Ministru (KM) halao sorumutu hodi haree ba proposta Prezidente Republika (PR), Jose Ramos neebe atu fo indultu no komutasaun de pena ba prizoneiru nain 25.
Tuir Ministru Justisa (MJ), Sergio Hornai katak, tinan-tinan iha selebrasaun loron boot hanesan komemorasaun loron neebe importante ba nasaun Timor Leste, Prezidente Republika sempre husu governu atu halo audisaun, hanesan governu nuudar responsavel ba iha servisu prizonais sira nian.
“Prezidente Republika husu ba Governu atu bele fo hanoin ba proposta neebe mai husi PR atu tetu haree no konsidera ba iha lista, por volta 25 benefisiariu neebe atu hetan direitu ba indultu no mos komutasaun de pena”, hatete MJ, Sergio ba Jornalista sira, iha Palasiu Governu, Kinta (21/11/2024).
Nia dehan, koalia kona-ba prosesu prosedimentu indultu no mos komutasaun de pena hanesan Lei numeru 20/2023, neebe koalia prosedimentu indultu no mos komutasaun pena nian, nia lejitimidade mai husi kondenadu sira rasik, mai husi nia Reprezentante no mos mai husi familia, bele husi ba iha Prezidente Republika atu nunee PR bele uza kompetensia konstitusional politika, iha administrasaun justisa nian, atu bele konsede no fo konsensaun indultu no mos komutasaun pena ba kondenadu sira, neebe liu husi prosesu judisiariu sira neebe hatene iha ona desizaun definitiva.
Prezidente uza nia kompetensia politika konstitisional tuir lei fo indultu, maibe antes PR dekreta nuudar dekretu PR nian ba iha indultu mos komutasaun de pena, PR husu governu hodi fo nia pontuasaun relativamente ba iha pedidu nee.
Governante nee esplika, ida nee tipu krimi oin-oin, hanesan Omesidu, ofensas grave no mos ba krime sira seluk ka krime hotu-hotu, neebé hetan ona desizaun definitiva sira hetan prizaun.
No husi prizaun 3 nee eskolha ida-idak, tanba née sira nain 25 pesoas nee indultu nain 10, no mos hetan komutasaun de pena 15 pessoas.
Maibe iha lista balu neebe tama hotu ona iha neebá, neebe ba kondenadu hotu iha ona desizaun PR iha kompetensia atu bele fo mezmu ke rona governu, maibe tenke Governu nia hanoin ka paraser la venkula PR. Tanba PR nuudar Xefe Estadu.
No iha artigu 85, alina konstituisaun Republika nian, nunee mos artigu 118, 122 kodigu penal no mos artigu 8 no 9 bá iha artigu Lei numeru 20/2023.
(gui)
