DILI, STLTIMORLESTE.com – Ministeriu Edukasaun (ME) halo kolokasaun profesores ba eskola nee bazeia ba quadro pessoal neebe iha.
“Ita tenke kompriende buat ida bolsa nee, bolsa nee signifika katak ita sei rezerva hela iha nee ba, maibe ita sei halo kolokasaun, maibe ita sei haree prioridade neebe mak ita bele hasai daudaun ona, ikus ita halo kolokasaun ba sira, jestaun de kolokasaun nee mak falha karik iha kraik, maibe ME Koloka profesores bazeia ba quadro pessoal, neebe durante fulan barak Ministeriu Edukasaun rekolha dadus nee husi eskola sira,” dehan Ministru Edukasaun Interinu, Domingos Lopes Lemos ba jornalista sira iha Hotel Novo Turizmu Bidau, Tersa nee (08/07/2025).
Nia dehan, nee duni Ministeriu koloka profesores bazeia ba quadro pesoal, no tuir nesesidade neebe mak iha, ou nesidade eskola nian presiza, kona-ba publikasaun lista bolsa kandidatu ba nibel sekundariu neebe admitidu nee seidauk.
Iha fatin hanesan, Cesarina Correia Guterres nuudar Superintendente Edukasaun Munisipiu Dili hatete, fo ezemplu EBC 30 de Agostu menus profesores, entaun sira aprezenta ba inspetor sira bazeia ba sira nian relatoriu mensal ninia, relata ba Edukasaun Munisipiu Dili no inspesaun jeral, sira mak halo kolokasaun, tanba sira nian servisu mak foti dadus depois relata.
“Identifika hanesan servisu inspesaun ninia, tun ba baze halo identifikasaun ba iha eskola, liga ba menus profesores sira, tuir mai ami tenke relata ba parte Edukasaun Munisipiu Dili, maibe laos dehan laiha, maibe profesores ba daudaun,” nia haktuir.
(jac)
