DILI, STLTIMORLESTE.com – Ministeriu Edukasaun (ME) sei halo kolokasaun profesores ba faze datolu nian, neebe mak sei halao tomada de pose iha Sesta semana nee.
Haktuir Anita Tavares Ribeiro de Jesus hanesan Diretora Rekursu Umanu iha ME ba STL, Kuarta nee (06/11/2024).
“Dadus ita nian profesores neebe mak ita atu halo kolokasaun faze datolu ninia nee, ami seidauk hatene lo-loos, tanba ami sei simu hela, tanba orsida mak sei hotu. Neebe hau labele dehan lai, tanba sira hakarak ka lakohi, keta balun rezigna aan karik, hau labele dehan lai, tanba aban nunee mak ami sei iha dadus ba kolokasaun faze datolu nian, neebe mak ita sei koloka ba eskola iha 13 Munisipiu inklui RAEOA,” nia esplika.
Anita dehan, kona-ba subsidiu kolokasaun profesores ba faze primeiru no segundu ninia sei halao iha fulan Novembru nia laran, tanba prosesu husi ME ba hotu ona iha Ministeriu Finansas, maibe data 20 liu nunee mak sei simu, maibe profesores sira nian salariu kada fulan nee lao diak, tanba sira simu hela.
(jac)
