DILI, STLTIMORLESTE.com – Komandante Jerál Guarda Nasional Repúblikana (GNR), Tenente Jenerál Rui Alberto Ribeiro Veloso ho nia delegasaun halao nia vizita kortejia mai Komando FALINTIL – Forsa Defeza Timor Leste (F-FDTL) neebe halao enkontru ho Xefe Estadu Maiór Jenerál F-FDTL, Tenente Jenerál Domingos Raul “Falur Rate Laek”, hodi koalia kona-ba produtivu no kooperasaun nomos oinsa ba futuru atu hametin liu tan lasu kooperasaun neebe iha ona entre Komando F-FDTL.
“Ohin ami mai vizita Komando F-FDTL halo enkontru ida neebe produtivu liu hodi koalia kona-ba aspetu barak, liu-liu kooperasaun, ami koalia pasadu, koalia futuru, maibe importante liu mak koalia ba futuru ninian oinsa atu hametin liu tan lasu kooperasaun neebe iha ona entre Instituisaun F-FDTL ho GNR ,” hatete Komandante Jerál Guarda Nacional Repúblikana (GNR), Tenente Jenerál Rui Alberto Ribeiro Veloso ba jornalista sira iha Komando F-FDTL Fatuhada, Dili, Kuarta (26/03/2025).
Nia dehan, kortejia mai Komando F-FDTL ne’e importante tebes, tanba tenke hametin kooperasaun neebe diak liu tan ho GNR nian.
“Tanba nee ami sei halo kooperasaun ida diak entre F-FDTL, ita hakarak kooperasaun diak ida nee iha futuru atu bele halao diak liu tan husi F-FDTL sira ba komunidade iha rai ida nee,” nia esplika.
Iha fatin hanesan, Xefe Estadu Maiór Jenerál F-FDTL, Tenente Jenerál Domingos Raul “Falur Rate Laek” informa, sira nia vizita atu hametin kooperasaun diak liu tan ho Polísia Nasionál Timor Leste (PNTL), tanba 25 anos ona nomos ho F-FDTL, tanba nee sira nia prezensa iha nee importante tebes ba TL.
“Sira nia prezensa hanesan desizivu ba ita nia estabilidade nasional, tanba nee sira mai no horiseik halo hemazen ba sira nia ema mate ba asidente neeba, no sira mos ohin koalia kona-ba kooperasaun entre Komando F-FDTL, nomos sira sei apoiu IDN,” nia afirma.
(jen)
