DILI, STLTIMORLESTE.com – Instituisaun FALINTIL-Forsa Defeza Timor Leste (F-FDTL) abertura tasa FALINTIL ba U-40 hodi selebra loron FALINTIL ba dala 50, atu fo omenajen ba asuwain sira neebe fo sira nia vida ba rai ida nee.
Xefe Gabinete Ministeriu Defeza, Ana Carla Carrascalão Gomes ba jornalista jornalista sira liu husi nia deskursu iha Kampu Kuartel Jenerál Fatuhada Dili, Sabadu (12/07/2025).
Nia dehan, jogu ida nee nuudar atividade ida neebe halibur públiku atu fo omenajen ba asuwa’in sira neebe iha tinan 50 liu ba fo sira nia vida hodi harii Estadu RDTL.
Nia esplika, objetivu husi torneiu ho modalidade futeból 11 ba U-40, atu komemora ezistensia FALINTIL ba dala-50 neebe sei monu iha loron 20 Agostu tinan nee.
Observasaun STL iha terenu katak, loke abertura ho jogu dahuluk husi klubu FC Komunidade Portuguesa kontra FC. Componente Força Terrestre (CFT) ho skor 1-1. Aleinde ida nee klubu hamutuk sanulu resin hitu (17) mak partisipa iha FALINTIL- U40 nee, halao iha Kampu Futeból Quartel General Fatuhada Dili.
Enkuantu partisipa iha serimonia abertura nee mak Estrutura Komando F-FDTL, Funsinariu husi Ministeru Defeza, autoridade lokál husi Xefe Suku Bairo Pité no Xefe Suku Fatuhada no klubu sira neebe atu kompete iha torneiu refere.
(jen
