DILI, STLTIMORLESTE.com – Xefe Gabinete Xefe Estadu Maior Jenerál F-FDTL Koronel Marcelino Ximenes” RIZAI” halo enseramentu ba kursu Formasaun Lideransa ba militar nain 20.
“Ohin loron importante ida ba ita hotu, tanba ita hamutuk iha nee atu taka ho susesu kursu Formasaun Lideransa ba militar nain 20 neebe mak realiza iha Eiros Group,” hatete Xefe Gabinete Xefe Estadu Maior Jenerál F-FDTL, Koronel Marcelino Ximenes” RIZAI” ba jornalista sira liu husi nia diskursu iha salaun Auditóriu Kuartel Jenerál F-FDTL Fatuhada Dili, Tersa (24/03/2026).
Nia dehan, lori Komando F-FDTL nia naran hakarak hatoo agradese ba formador sira nomos Eiros Group neebe fo kontribuisaun boot iha dezenvolvimentu rekursu umanu, liu-liu iha área lideransa militár.
Nia deklara, durante tempu formasaun, partisipante sira hetan oportunidade atu aprende kona-bá lideransa, disiplina, komunikasaun no responsabilidade hanesan líder ida, iha konhesimentu no abilidade neebe hetan sei sai hanesan baze importante atu sira bele halao knaar ho diak liu tan iha futuru.
“Bá formador sira, ami fo parabens ba ita boot sira hotu tanba konsege remata kursu nee ho diak. Espera katak ita boot sira bele aplika buat neebe aprende ona iha fatin servisu no kontinua dezenvolve aan sai líder ida neebe responsável, íntegro no kompetente,” nia deklara.
Iha fatin hanesan, Formado Alferes Maria Juinha Informa, ho Ekipa Formandos tomak hakarak hatoo agradese ba Eiros Group nomos formador neebe mak durante semana ida soe nia tempu hodi fo formasaun ba ami, nomos hakarak agardese ba Komando FALINTIL-Forsa Defeza Timor Leste (F-FDTL) neebe mak hakarak hasae konhesimentu nomos abilidade militár sira nian liu husi Kursu Formasaun Lideransa ida nee, liu-liu ba ami Militar Femenina sira atu ami bele sai ezemplu diak liu tan kona-ba Lideransa ninian, liu-liu ami nuudar militár, ida nee importante tebes ba ami,” nia hatutan.
Nunee mos Diretora Ezekutivu Eiuros, Maria Antonia de Sousa Ribeiro hatete, durante formasaun lideransa sira aprende hamutuk expolara sira nia pontensial no formula lideransa foun ida, formado sira entusiazmu makaas tebes, tanba sira hanoin lideransa laos pozisaun deit, kona-ba influensia, inspirasaun no resposabilidade atu lori pozitivu.
“Hau espera katak, ita boot sira bele implementa kedas matenek neebe ita boot sira hetan, sai lider ida neebe responsabilidade, produtivu nomos kriativu no bele involve ita boot sira nia maluk hodi atinji objetivu komun sira,” nia deklara.
Diretora nee hakarak hatoo parabéns bá formado sira, tanba tuir ona Formasaun Lideransa ida nee ho diak, “tanba nee lider foun sira tenke lori mudansa pozitivu no kreativu,” nia afirma.
(jen)
