DILI, STLTIMORLESTE.com – Komando FALINTIL-Forsa Defeza Timor Leste (F-FDTL) hamutuk ho Sekretariu Estadu Assunto Toponímia Organizasaun Urbana (SEATOU ) halao limpeza iha Sidade Dili, neebe hahu husi Palasiu Presidente Aitarak laran too iha Palasiu Governu.
Atibidade nee lidera husi Tenente Infantaria Adalberto Viana hamutuk ho SEATOU , Germano Santa Brites Dias, nomós funsionariu tomak ohin halo limpeza jerál iha Dili laran, hahu husi Palasiu Prezidensiál Aitarak laran too iha Palasiu Governu.
Objetivu husi atividade limpeza jerál nee hodi prepara ba komemorasaun loron istóriku Aniversáriu Indenpendénsia 28 Novembru ba dala 50.
Observasaun STL nian iha terenu katak, husi Komponente Aero Lijeiria no Unidades FALINTIL limpeza jeral nee hahu husi Rotunda Prezidente Nicolau Lobato too Tasi Tolu, no Unidade Polisia Militar (PM) Rotunda Francisco Xavier do Amaral too Lahane, depois Unidade Apoiu Servisu (UAS) halo limpeza husu Ponte B. J. Habibie too Metiaut.
Jornalista: Jeniche da Costa
Editor: Xisto Mendonça
