BAUKAU, STLTIMORLESTE.com – Komando FALINTIL-Forsa Defeza Timor Leste (F-FDTL) promovidu militar nain 79 no kondekora nain 73 iha Komponente Forsa Terrestre (CFT – sigla português) Lanud Baukau.
Vise Xefe Estadu Maior Jenerál FALINTIL-Forsa Defeza Timor Leste (F-FDTL), Majór Jenerál Calisto Santos “Coliati” hateten, loron 09 Fevereiru 2026 loron espesial ba Instituisaun Militar no ba Nasaun Timor Leste, mak Komponente Forsa Terrestre pilar prinsipal Defeza Nasional neebe garante soberania integridade termritorial no seguransa ba povu Timor Leste neebe durante nia ezistensia hatudu ona nia profisionalizmu disiplina no lealdade ba Konstituisaun Republika no ba Autoridade Estadu.
Coliati sublina, loron 09 Fevereiru 2026, Komando F-FDTL presta omenajen ba militares sira husi Primeiru Batalhão tinan 2001 nian, neebe iha linha oin prosesa, formasaun FDTL nian ho korajen no espiritu sakrifisiu transforma eransa FALINTIL nuudar guerilheiru sai Forsa Armada Nasional profisional no respeitadu.
“Promosaun no kondekorasaun neebe ita halao agora mak rekonhesimentu ofisial husi Instituisaun F-FDTL no Estadu Timor Leste ba militar sira nia servisu komportamentu no sira nia komitmentu iha Forsas Armadas ao longo 20 anos ezistensia F-FDTL,” hatete Vise Xefe Estadu Maior Jenerál FALINTIL-Forsa Defeza Timor-Leste (F-FDTL), Majór Jenerál Calisto Santos ” Coliati” liu husi nia diskursu iha ambitu serimonia promosaun no kondekora ba militares sira iha Komponente Forsa Terrestre Lanud Baukau, Segunda (09/02/2026).
Vise Xefe Estadu Maior Jenerál FALINTIL-Forsa Defeza Timor Leste nee katak, kondekorasoens liu husi medalha ba militares sira laos deit simbolu, maibe sentidu gratidaun nasional no legadu inspirador ida ba jerasaun foinsae iha Instituisaun F-FDTL.
Nia komenta, ohin loron Timor Leste moris iha kontestu jeopolitika rejional neebe kompleksivel no implujivel, rejiozu pasifiku enfrenta kompetisoens estratejiku amesa seguransa foun no dezafiu transasional. Iha situasaun nee Timor Leste kontinua kontribui ba pas estabilidade no seguransa, tanba nee komponente terrestre tenke kontinua prepara aan fleksivel no kredivel atu responde ba defeza territorial apoiu ba Autoridade Sivil jestaun krize no kooperasaun militar ho parseiru rejional no internasional, neebe preparasaun sira ba futuru prezisa kontinua iha formasaun no estratejiku iha nivel hotu hotu.
Nia sublina, ezemplu husi Primeiru Batalhão 2001 nian sai hanesan bussola ba jerasaun agora no ba futuru ho lealdade institusional disiplina, tenke kontinua servi nasaun no novu, reafirma kompromisu Komando F-FDTL hametin kapasidade komponente terrestre garante sai nafatin forsa profisional no orientadu ba interese nasional.
“Hau presta omenajen ba militar hotu-hotu feto no mane espesial ba sira neebe ohin promovidu no sira neebe simu medalha, ita boot sira nia servisu hametin indentidade FALINTIL FDTL no inspira ita hotu atu prepara aan ba futuru,” Coliati espresa.
Enkuantu militares neebe iha Komponente Forsa Terrestre Lanud Baukau hetan promovidu soldadu hamutuk 66 ba Primeiru Kabo, Alferes nain 8 promovidu ba Tenente, Tenente nain 5 promovidu ba kapitaun inklui kondekora militar grau ouro, veteranus 01 nain 54 no militar grau prata, veteranus 01 nain 19 neebe ho medalha diferente.
Entretantu serimonia promovidu no kondekorasaun nee hetan partisipasaun masimu husi autoridade sivil sira iha Munisipiu Baukau, kompostu reprezentante Prezidente Autoridade Munisipiu Baukau, Administrador Postu no Suku inklui familia militar promovidu no hetan kondekorasoens sira.
(tom)
