DILI, STLTIMORLESTE.com – Komando Jeral Polisia Nasional Timor Leste (PNTL) distribui ekipamentu ba membru PNTL sira atu uza hodi halao knaar no servi povu ho nasaun ida nee.
“Ita ohin diatribui ekipamentu hanesan gas air mata, stik no seluk tan ba ita nia membru sira hotu-hotu,” hatete Superintendente Xefe Polísia, Orlando Gomes ba jornalista sira iha Komando Munisipiu Dili, Tersa (04/2/2025).
Nia dehan, ekipamentu sira nee Governu liu husi PNTL distribui ba Komando PNTL Munisipiu Dili, depois distribui ba Komandate Eskuarda sira nomos Komandate seksaun sira, depois sira distribui ba membru sira.
Iha fatin ketak, Akademista Universidade Nasional Timor Lorosae (UNTL) Fakuldade Direitu, Deolindo José Manuel Silva esplika, PNTL ninia knaar nee importante tebes ba nasaun no ba povu, tanba nee ekipamentus tenke kompletu ba sira, atu nunee sira utiliza hodi halao sira nia servisu.
“Iha nasaun ida nee PNTL ho F-FDTL mak luta ba nasaun ida nee, tanba nee ita hakarak ekipamentu sira neebe sira persiza tenke kompletu, tanba nee Governu atu aloka orsamentu ba segurasa rua nee labele sukat ,tenke koloka orsamentu tuir sira nia nesesidade neebe sira persiza iha terrenu,” nia afirma.
(jen)
