DILI, STLTIMORLESTE.com – Komando Polisia Nasional Timor Leste (PNTL) liu husi Sekretariu Komisaun Rekrutamentu anunsia sai ona ba iha publika regulamentu konkursu admisaun publika ba kursu formasaun ba ajente PNTL foun tinan 2025.
Nia dehan, rekrutamentu ba membru polisia foun ho total hamutuk 400, ba tinan 2025, sei hahu iha loron 05 Agostu.
Prezidente Juri ba Konkursu husu ba joven sira neebe iha interese atu kandidata aan hahu iha loron 05 too 29 Agostu, bele foti formulariu atu prienxe no sei submente fali iha 12 Agostu too 09 Setembre 2025.
Nia dehan, ba formulariu nee foti iha Komando Munisipiu sira hotu inklui iha Rejiann Administrativa Espesial Oekusi Ambenu (RAIOA) no Atauro inklui Munisipiu Dili.
Foti formulariu iha fatin rua, ida Sentru Formasaun Polisia Komoro Dili no Komando Jeral Kaikoli.
“Hau husu ba joven sira neebe hakarak kandidata aan ba polisia tenke displina. Ami hatene katak ema barak sei ba forma iha Komando Munisipin Dili, maibe nafatin disiplina, tanba tempu sufisiente ba imi atu prienxe formulariu,” hatete Segundo Komando Jerál PNTL, Komisariu Polisia Pedro Belo liu husi nia diskuru iha Sentru Formsaun Polisia (SFP) ba jornalista sira Segunda nee (04/08/2025).
Iha fatin hanesan Portavos Komisaun Rekrutametu PNTL Superintendente Antonio da Luz, esplika rekrutamentu nee bazeia ba diploma ministerial numeru 17/2025, 25 Funu publika ona iha Jornal Republika konaba regulamentu ba konkursu admisaun publika ba kursu formasaun ba ajente PNTL.
Nia esplika katak kondisaun adminisaun jeral ba kompetisaun hamutuk 12 mak hanesan tenke sidadaun Timor Leste nian, domina pelumenus lian ofisial ida sei solteiru iha kualifikasann akademika minimu 12.0 anu ka ekivalente: idade entre 18 no 23 too loron 31 fulan-Dezembru tinan 2025: no aas minimu metru 1,58 ka kandidatu teto no mane 1.65.
Aleinde nee, iha aptidaun fiziku no mental rekonesidu ba ezersisiu knaar Polisia nian,iha kualidade moral apropriadu no komportamentu siviku ne’ebe permite sira atu atua ho justisa, lealdade, integridade, onestidade, no kompetensia profisional, hodi hamosu konfiansa no respeitu husi populasaun no instituisann demokratika sira, kontribui ba prestijin PNTL.
Nomos la hetan ezonerasaun husi instituisaun seluk Estadu nian, la hetan kondenasaun tanba krime intensional ruma hatudu adekuasaun ba ezersisin funsaun Polisia nian, neebe karateriza ho la sai arguidu iha kualker prosesu kriminal neebe lao hela.
Nia hatoo mos la sujeita ba medida koersivu, akuzasaun formal, ka julgamentu ba krimi intensional ho ofensa kriminal neebe bele hetan kastigu liu tinan tolu iha prizaun no disponivel ba knaar uha neebe deit tiha territorin nasional, bainhira tuir no kompleta ho susesu CFA-PNTI, tuir nesesidade servisu PNTL nian.
Enkuantu kona-ba formulariu aplikasaun ba kandidatura sira mak tenke hatama dokumentu sira hanesan fotografia kor ho fundu mean (dimensaun 3X4 cm) tahan rua: fotokopia Bilhete Identidade (BI) tahan ida foto kopia Kartaun Rejistu Eleitor nian tahan ida, foto kopia Sertidaun Moris ROTI tahan ida, foto kopia Diploma Sekundaria legaliza husi Ministerin Edukasaun) tahan ida no sentidaun rejistu kriminal validu durante fulan 6.
Nia deklara, ba kandidatu sira neebe hetan ona julgamentu iha Tribunal, foto kopia husi desizaun tribunal nian: ba kandidatu sira ho prosesu legal iha tribunal dokumentu neebe prova estatutu prosesual, deklarasaun husi xefe suku, asina husi administrador postu administrativu, komandante eskuadra, foto kopia fixa familia nian tahan ida, deklarasaun husi Konselhu Kombatente Libertasaun Nasional, foto kopia kartaun identifikasann pesoal no sertifikadu tama iha PNTL, ba kandidatu sira oan husi inan-aman PNTL tahan ida.
Nunee mos fatin submete dokumentu iha Komando Munisipin 12, RAEOA, Administrasaun Espesial Atauro no Sentru Formasaun Polisia (SFP) Komoro, Dili, ba kandidatu sira hela iha Dili (bazeia ba eleitoral no BI).
Nia mos informa, rekrutamentu ba ajentu foun nee laiha kriteriu propriu ba sira ne’ebe tama iha arte marsial sira, maibe bainhira sira liu ona, sei tuir informasaun no bainhira ramata sei iha regulamentu propriu ba sira.
Ba sira neebe tatuaten, tato isin sei la permite hola parte iha prosesu nee.
“Komisaun sei la permite rekomendasaun sira, hotu-hotu sei tuir prosesu normal, tantu Polisia nia oan komu veteranu nia oan, neebe laiha diskrimisann”, nia hakotu.
Entretantu, rekrutamentu daudaun nee foka uluk ba ajente sira no kona-ba ofisial sira seidauk halo rekrutamentu.
(jen)
