DILI, STLTIMORLESTE.com – Polisia Nasional Timor-Leste (PNTL) liu husi Komando PNTL Munisipiu Likisa, rejistu kazu krime agresaun fiziku simples hamutuk 10.
“Munisipiu Likisa iha krime ita rejistu nee barak liu agresaun fiziku simples maka numeru aas ituan fulan ida 10,” hatete Komandante Komandu PNTL Munisipiu Likisa, Superintendente Polísia Paulino Carmo Pereira ba STL iha MTK, Kuarta (30/04/2025).
Nia dehan, depois numeru tuir mai kazu Violensia Domestika (VD) nomos kazu asidente inklui tipu seluk neebe sempre akontese iha Munisipiu Likisa.
“Maibe Munisipiu Likisa nia numeru krime sae mak 20 depois tun fali, tanba ita sempre halo patrollamentu preparasaun neebe makaas, para ita buka konsege redus krime sira nee aas,” nia informa.
Nia deklara, prosesu ba kazu sira nee hanesan bai-bain, kazu hotu-hotu ba Ministeriu Públiku (MP) depois Tribunal prosesu tuir Lei neebe vigor iha pais ida nee.
Iha fatin ketak, Komandante Polísia Nasionál Timor-Leste (PNTL) Munisípiu Dili, Superintendente Xefe Polísia Orlando Gomes esplika, Komando Polisia Nasionál Timor-Leste (PNTL) Munisipiu Dili rejista numeru kazu krime iha Munisípiu Dili hahu tun.
Nia esplika, husi 2023 kazu krime iha Munisípiu sae ba rihun rua resin numeru nee kompara kazu krime husi Munisípiu Dili mak aas liu, maibe 2024 kazu krime iha Dili hahu tun ba rihun ida resin no tama ba 2025 iha fulan tolu ba fulan haat PNTL Dili rejista kazu krime 300, ida nee hatudu katak nymeru kazu krime iha Dili hatudu redusaun ona.
” Hanesan hau informa tiha ona katak,ita halo diferensia ba kazu krime tinan 2023 kazu krime sae makas tanba iha rihun rua resin, ita haree fila- fali ba 2024 ita hahu resin ba mil ital,” nia informa. *
