DILI, STLTIMORLESTE.com – Komando Polisia Nasional Timor-Leste (PNTL) Munisipiu Likisa sempre kontrola Tum-Tum nia movimentu iha Munisipiu Likisa nian.
Nia dehan, realmente Tum-Tum iha Munisipiu Likisa barak duni, no sira tula pasajeiru no halo movimentu iha Likisa nia laran.
“Tum-Tum, Polisia tranzitu sempre kontrola no dala barak ita prende tanba sira kontra sinais tranzitu, balun laiha karta kondusaun,” hatete Komandante Komandu PNTL Munisípiu Likisa, Superintendente Polísia Paulino Carmo Pereira ba jornalista sira iha MTK, Tersa feira (29/04/2025).
Nia tenik, konaba regulasaun neebe maka Polísia tranzitu Likisa aplika iha neeba, laos foin estabelesimentu Diresaun Transporte Komunikasaun avansa nee mak foin kontrola.
“Laos foin estabelesimentu Diresaun Transporte Komunikasau avansa mak ita foin avansa nee lae, maibe Polísia Tranzitu antes nee kontrola ona, no liu-liu ba sira neebe seidauk komprende sinais tranzitu,” nia deklara.
Iha fatin ketak, Kondotor Tum-Tum, Joanico Moniz esplika, Tum-Tum halai Diresaun Tasi too Likisa, Polísia Tranzitu Likisa nian sempre kontrola.
“Ami mos tula pasajeiru husi Dili ba Tibar, no Tibar ba Likisa, depois ita nia Polisia Tranzitu Munisipiu Likisa nian sempre kontrola, maibe Governu dehan labele halai iha estrada publiku, entaun ami atu halao movimentu iha neebe,” nia afirma.
(jen)
