DILI, STLTIMORLESTE.com – Segundu Komandante Jerál Polisia Nasional Timor Leste (PNTL), Komisariu Polisia Pedro Belo akompanha husi Visi Prezidente Assosiasaun Esposa-Polisia Nasional Timor Leste (AES-PNTL), Latichia Valente Gonsalves hamutuk ho ofisial Superior PNTL sira partisipa serimonia ofisial komemorasaun nasaun Republika Demokratika Timor Leste (RDTL) sai membru ba dala- 11 iha Asosiásaun Nasaun Sudeste Aziátiku (ASEAN), iha Jardim Largo Lesidere.
Selebrasaun nee hahu iha tuku 5:30 lokraik, iha Jardim Largo Lesidere, partisipa husi Autoridade Seguransa ho Defeza PNTL no F-FDTL, Órgaun soberanu sira, Korpu Diplomátiku, Ajénsia Internasionál, Konfisaun relijioza, Veteranu, Organizasaun Sosiedade Sivíl, Líderansa Komunitáriu, Estudante, no Sidadaun sira halibur hamutuk hodi asiste no selebra eventu importante marka istoria foun ida ba povu TiL. Durante tinan barak hein ho esperansa, oras nee daudaun, Prezidente da Repúblika, Primeiru Ministru ho delegasaun TL iha Kuala Lumpur, hodi marka loron neebe TL ofisiálmente sai membru ASEAN.
Timor Leste sai membru ba dala-11 iha família ASEAN nee mai husi rezultadu husi esforsu kolektivu husi lideransa no povu TL tomak, hahu husi tempu rezisténsia liu ba, tempu rekonstrusaun nasaun, no too agora, la haluha ita-nia objetivu ida atu fo TL sai fatin diak ba komunidade rejional neebe mak naturalmente Timor oan hola parte.
Serimonia ofisial festeza nasaun RDTL sai membru permanente ba ASEAN halao iha Jrdim Largo Lesidere, organiza husi Ministeriu Administrasaun Estatal ho Ministeriu Negosiu Estranjeiru no Kooperasaun servisu hamutuk ho autoridade seguransa PNTL hodi garante seguransa lao diak ho hakmatek.
Jornalista: Jeniche da Costa
Editora: Domingas Gomes
