BAUKAU, STLTIMORLESTE.com – Kombatente balu la satisfas ho selebrasaun loron FALINTIL ba dala 50 iha Munisipiu Baukau, tanba deskonfia inventa istoria akontesimentu iha Aslaitula.
Kombatente Raimundo de Sousa “Lakuwani” sente triste iha ambitu selebrasaun loron FALINTIL ba dala 50 neebe realiza iha resintu Autoridade Munisipiu Baukau, tanba hafoin seremonia remata iha grupu balu aprezenta drama istoria kona-ba akontesimentu Aslaitula entre FALINTIL ho militar Indonezia atake malu iha momentu neeba, maibe istoria neebe grupu refere aprezenta liu husi drama manipula istoria akontesementu iha Aslaitula.
“Primeiru ami nia fuan moras, ami nia matan been tun nee kona-ba istoria foin nee la kompletu i laloos iha buat neebe momumentu neeba akontese,” hateten Watuleki iha resintu edifisiu Administrasaun Autoridade Munisipiu Baukau, Segunda (18/08/2025).
Nia dehan, akontesimentu iha Aslaitula nia parte nuudar autor hamutuk ho nia maluk nain 4 seluk mak hanesan Farli, Maulindo, Lutu no Lelek mak lori Komadante David Alex Daitula no Taur Matan Ruak ba area refere. Servisu Vila laran nian mak hanesan kaixa Fe, Kailara Moris no kaixa Watuleki mak hatete sengredu akontesementu iha Aslaitula, maibe naska ba drama neebe aprezenta la kondis ho situasaun neebe akontese iha momentu neeba, tanba naran neebe grupu refere temi iha nia aprezentasaun drama, balun momentu neebe la inklina iha akontesimentu Aslaitula inklui mensajen neebe aprezenta.
Mezmu aprezensaun drama neebe grupu refere aprezenta ho intensaun atu anima komunidade sira iha ambitu selebrasaun loron FALINTIL ba dala 50, maibe prezisa aprezenta drama neebe ho istoria loos, nunee jerasaun foun sira hatene istoria loos kona-ba akontesementu pasadu sira, liu liu akontesementu iha Aslaitula.
Nunee mos jovem rezistensia Helder Guterres da Silva “Taringa” sente kontente, tanba selebrasaun aniversariu ezistensia FALINTIL ba dala 50 bele realiza mos iha Munisipiu Baukau hodi povu mos bele sente no refleta situasaun pasadu sira, maibe senti triste, tanba hafoin seremonia remata aprezenta istoria falsu kona-ba akontesimentu iha Aslaitula.
Durante observasaun STL nian iha terenu nota kona-ba drama akontesimentu iha Aslaitula neebe hafoin grupu FILTEDA aprezenta iha resintu Administrasaun Autoridade Munisipiu Baukau, aleinde Kombatentes “Watuleki” no “Taringa” kestiona, iha mos entidades seluk neebe la satisfas ho aprezentasaun drama refere, tanba konsidera manipula istoria.
Liga asuntu nee Jornalista STL tenta konfirma responsavel grupu FILTEDA atu komfirma kona-ba naska neebe aprezenta liu husi drama iha eventu refere, maibe lakohi fo komentariu, ho razaun dukur.
(tom)
