DILI, STLTIMORLESTE.com – Reprezentante Xefe Estadu Maior Jeneral FALINTIL – Forsa Defeza Timor Leste (F-FDTL), Tenente Jenerál Domingos Raul “Falur Rate Laek”, Komandante Komponente Naval Comodoro Higino Das Neves halo abertura ba eventu boxing, hodi selebra aniversariu ezistensia FALINTIL nian ba dala-50.
“Ohin ita hotu iha nee tanba selebra tinan 50 FALINTIL nia ezistensia, no hau fiar ho eventu ida nee atu fo hanoin hikas ba ita nia asuwain sira neebe mate, nee signifika ita nia hamutuk nee atu kria amizade pesoal liu-liu ba imi juventude sira no oinsa ita boot sira bele hatudu ita boot sira nia talentu iha eventu sira hanesan nee, maibe labele kontinua halo problema iha liur, tanba futuru rai ida nee nian iha ita boot sira nia kabas,” hatete Komandante Komponente Naval, Comodoro Higino Das Neves liu husi nia deskursu iha Gimnasiu Dili, Sabadu (16/08/2025).
Tuir orariu eventu nee sei halao durante loron 5, hahu husi dia 15 Agostu 2025 too dia 19 Agostu 2025.
Entretantu eventu nee partisipa husi Ministru Juventude Desportu Arte no Kultura, Reprezentante CEMGFA, Reprezentante Visi Primeiru Ministru, Reprezentante Ministru de Defeza, Reprezentante Ministru da Justisa, Reprezentante Komandante Jerál PNTL, Prezidente Olimpiku Nasionál TL, Prezidente Federasaun Boxista TL.
(jen)
